Kejbarok Mweiuk ko Raurok an Baamle eo

Kejbarok Jeramman ko an Baamle eo

Tip ko nan Kamokaj

Pepa ko kin men ko remool

Kakobabain jipan ko

FEMA im Smithsonian Institution rej jimor kollaiki eddo ko kin Heritage Emergency National Task Force, juon baatnor eo kin elap jen 60 jorpej in jikin jerbal ko im jikin bar jerbal ko an kien im rekar kommani nan kojbarok menin jolet ko jen menin menin kauwatata ko im bar menin idun ko jet.

Task Force ej lewaj bunton kein nan jipan eok kejbarok menin jeramman ko an baamle eo am jen menin joreen eo.

Bunton ko nan kejbarok men ko raurok an baamle eo am

Ilo am naaj kijenmej jidik im mokaj in uaak, kejbarok pija ko nan kamononiki eok, leta ko, jina ko im bar jet men ko im epen bar pinej jenkwaer im maronin kejbaroki. Bunton kein rej elaajrak nan jipan eok kejbarok menin aurok ko mweiom im lewaj ien nan am kommane kalet ko remman nan kejbaroki im bok eddoin men ko raurok an baamle eo am.

1. Men ko Raurok: Komaron jab maron kejbarok aolep kain, emman ne kwoj lale ta eo aurok nan kwe, emaron nan kakemejmej, komman jeen kake, ak un ko jet raurok.
2. Komman Jikin ko: Kajarjar men ko woj bwe ren mora ebok aolepen jikin eo! Kwon jela ta eo kwoj kommane: kokmanman am katoto pija ko kin piin in roro ko, kommane juon amok eo nan komorare jen bulajtiik in jikuriin in etonaak eo im teepe ikotaan ruo jea, kiil kotaan ko ilo juon kein komorara nuknuk joreen ilo am raape bar eo kin kein injoleiti baib ko nan lelok elap bobrae.
3. Lukkin Kejbaroke: Lukkin kokmanman am komakit menin jolet ko, ko im elap aer kauwatata elane renej tutu.

Kamorareiki mejatoto eo ej men eo emmantata nan kejbarok men ko mweiom raurok – ilowaan em, elane ekkar. Kein kamorare bar ko, aeen ko, obun ko, im kaetok aer pad iomwin al enej komman bwen joreen men ko. Kalaplok komman koto lowaan mweo kin deel ko, kopellak winto ko, kojerbal erkaan ko, im jolok molawi in lowaan mweo.

Pija ko, pepa ko, bok ko, im to in mottan ko rej aikuijin kwoj elane kojjab maron kamoraiki ilowaan 48 awa. Raapi ilo pepa in kakwoj ko im lori ilo juon aiijbook eo ejjab kakwoj im lore ilo jonan eo ediktata ilo aiijbook eo.

Pija ko

• Jab timi pija ko retutu im ko rej eddap ippen doon.
• Elane ekkar, pijaiki pija eo am nan am maron komman am kaape.
• Karreoiki pija ko ilo am kwali kin den eo emoj likliki, elane ekkar, ak ilo juon den eo erreo elane kojjab maron elolo den eo emoj likliki.
• Pija ko rej kamora ilo jikuriin eo ebulajtiik ak pepa tool, ak katotoiki kin piin in roro.
• Jab komman bwe pija eo en itaak ilo men ko jet ilo an mora lak.

Bok ko

• Elane ewor am book im rekar pad ilo den in jikin kepojak eo im retoon, elap aer kauwatata nan ajmour eo am. Joloki ak kepaak juon rikejbarok mweiuk eo etijemlok nan bok melele.
• Komakit aetokpa ko rebunalnal nan kamoraiki makelok iaan.
• Eloor pepa tool ikotaan peij ko an bok eo etutu.
• Nan bok ko remolawi ak jidik wot aer tutu, elane bok ko rekar pad ilo pedkat, ejjo, ak denin jool, kwale bok ko, juon alen jen juon, ilo juon bokaj ak tab in den erreo, ilo am lukkin dapiji bok eo im katuloke.

Pepa ko raurok, Jeje im Pepa ko

• Komakit jina im jeje ko jen bureim ko.
• Kamoreiki men ko elane ewor jet wot pepa ko raurok ak pepa ko, ak elane ewor elap jikin nan kamoreiki aolepen men ko.
• Kamoreiki im lukkin kajarleplep kajojo pepa ko ak ilo jidik bael lonlok nan jonan uteejen jidik inij lonlok.
• Pepa ko remaron kwoj elane elon jonan eo kwoj kamoreiki. Emaron bok jejjo wiik nan jet allon nan jerbal in.

Pepa ko kin men ko remool

Elane ewor ibwijleplep, joreen in mejatoto ko, kijeek, men ko mweiom raurok einwot jolet ko an baamle, pija ko, im ko jet nan kejbaroki rej einwot men ko rej kamononiki eok ilo ien rot in. Heritage Emergencey National Task Force eo rej liwaj bunton kein repidodo jen eo etijemlok ilo kejbarok mweiuk nan ro rej kapok – im loi – menin aurok ko an baamle eo ilukin joreen ko.

Kakobabain jipan ko

Jen 1995, Task Force eo relakar lelok nan kajojo armej im jukjuk in pad eo – jikin kalojooj ko, jikin bok ko, jikin kakwon mwieuk aurok ko, jikin komman jina ko, opiij ko ewor rekoot an armej ie im ebar lon – kin bunton ko nan lori im jipan moktalok, ilo ien eo im alikin joreen ko.

Menin jipan ko relon repad ilo website eo an Task Force eo, ekoba men kein:

• Resources for the Public and Historic Property Owners
• Response and Recovery Resources
• About the Heritage Emergency National Task Force

Nan melele ko relaplok kin kejbarok menin jolet ko jen menin kaamijak ak kauwatata ko jen joreen ko – ilo United States im ilikin – etal nan website eo an baatnor ro am, ilo Smithsonian Cultural Rescue Initiative.