FEMA ej woñmaanlok an jibañ armej ro ekkar jorrāān moko mweir ilo kar Okwoj 8, 2023, jen kijeek ko relab ilo Maui jen Burokraam in Jibañ ikijen Imōn Jokwe ilo Kōtaan Ien. Ilo ien in aoleb baamle ko rej maron wōt tōbrak ilo Burokraam eo ej Jibañ ikijen Imōn Jokwe ilo Kōtaan Ien ewōr aer laijen ñan aer jokwe ilo moko rej lelok ñan aer jokwe ilo kōtaan ien. Armej ro rej bōk kwōnaer ilo burokraam in renaj woñmaanlok aer jokwe ilo moko toon wōt an woñmaanlok aer maron tōbrak ñan burokraam eo im rej aikuj kenono wōt rijerbal eo ej an FEMA ej jibañ kamool peba ko aer.
Kajjitōk im Uwaak ñan Armej ro rej Bōk Kwōnaer ilo Burokraam in Jibañ ikijen Imōn Jokwe ilo Kōtaan Ien
K. Etke rej kajjitōk an emakūt armej ro rej bõk kwōnaer ilo burokraam in?
U. Elōñ wāween ko roktak wūnin an armej ro rekkar ioon jorrāān im rej jokwe ilo em ko an rej lelok jibañ ilo kōtaan ien remaron aikuj emakūt, im kejbarok jen uwōta in jorrāān aoleb ien ej wūnin eo auroktata. Kōtōbar eo an FEMA ej ñan loloorjak an aoleb armej ro rekkar ioon jorrāān jokwe ilo an kadiklok an ejellok uwōta in jorrāān, erreo, im em ko armej remaron mour iloan. Ilo ien in, FEMA ear lale jerbal ko an ilo an boklok armej ro rekkar ioon jorrāān ilo Rālik in Maui, ebaaklok ñan moko rar jokwe ie, im kadiklok jikin ko armej rej jokwe ie ibelakin aoleben aelon eo. Mennin ekoba kaurok jikin jokwe ko rebaake lok Lahaina.
K. Ta eo enaj walok elañe renaj lelok imōn jokwe ñan armej ro ilo burokraam in ñan aer rool ñan Rālik in Maui innem rejab kōnaan?
U. Armej ro rekkar ioon jorrāān jen kiijeek ko relab im rej bed ilo Burokraam in Jibañ ikijen Imōn Jokwe ilo Kōtaan Ien im emōj aer kar ba moktalok rekōnaan rool ñan Rālik in Maui FEMA ej kenono ibbeir ilo ien in. Ñe rar kelet in jab bōk juon imōn jokwe ilo Rālik in Maui, remaron bed wōt ilo mweo rej jokwe ie ilo ien in. Bōtab, reban bar lelok juon imōn jokwe ilo Rālik in Maui ālikin ien eo kein kajuon renaj ba rejab kōnaan roollok.
K. Ta eo enaj walok ñan armej ro ilo burokraam in elañe ejab aitoklok koontoreakeo aer ibben landlord ro aer?
U. Armej ro rekkar ioon jorrāān jen kijeek ko relab im rej bed ilo Burokraam eo an FEMA ej Jibañ kōn Imōn Jokwe ilo Kōtaan Ien remaron bed wōt ilo burokraam eo mae Babode 10, 2026, toon wōt aer woñmaanlok in kōtōbrak aikuj ko ñan aer maron tōbrak. Ñe koontoreak eo an mweo rej jokwe ie ilo ien in ejab aitoklok im rej aikuj emakūt jen mweo, FEMA enaj bar lelok juon imōn jokwe, toon wōt aer maron tōbrak ilo burokraam eo ñe ejab mae ien ejemlok Burokraam in Jibañ ikijen Imōn Jokwe ilo Kōtaan Ien.
K. Ewi wāween aer kōjellaik baamle ko ejorrāān moko mweir kōn aer aikuj diwōjlokjen mweo rej jokwe ie ilo ien in elañe menija eo an mweo rej jokwe ie ilo ien in ejab kaitoklok koontoreak eo?
U. FEMA enaj mōkaj an kōjellaik armej ro rej reen elañe rej aikuj emakūt ñan bar juon jikin. Innem FEMA enaj lelok jikin ko jet baamle ko remaron jokwe ie.
K. Ewi wāween an armej ro rekkar ioon jorrāān jen kijeek ko relab jela ke enaj wōr jikin aer jokwe?
U. Ilo an maron oktak em in jikin jokwe ko, armej ro rej bōk kwōnaer ilo Burokraam eo ej Jibañ ikijen Imōn Jokwe remaron jela ke renaj woñmaanok in kōtōbrak aikuj ko ilo kwon in laijen in eo aer remaron woñmaanlok in bed ilo burokraam eo mae ien enaj wōr imōn aer jokwe ñe ejab mae ien ebōjrak burokraam eo.
K. Ñaat eo armej ro rej bed ilo Burokraam in Jibañ ikijen Imōn Jokwe ilo Kōtaan Ien aikuj jino kolla wonnen reen?
U. Aoleb armej ro rej bed ilo Burokraam eo ej Jibañ ikijen Imōn Jokwe ilo Kōtaan Ien renaj jino kolla wonnen reen ñan ll FEMA ilo Maaj 1, 2025.
K. Ñaat eo baamle ro renaj elo kōjella kōn ien eo rej aikuj naj kolla wonnen reen?
U. Baamle ro rar loe kōjella ko iomwin 30- 60- im 90-raan ej kōjellaik er kōn aer naj aikujin kolla wonnen reen jino ilo Maaj 1, 2025, im kōn madmōd eo ñan aer jumae joñan wonnen reen eo.
K. Ewi wāween aer naj kalikar joñan wonnen reen eo?
U. Joñan wonnen reen eo enaj itok jen Wonnen Reen eo Ejimwe ilo Maui ilo 2025 emōj an Ra eo ej bōk eddoin kakien ikijen Imõn Jokwe im Jikin ko Relab (Department of Housing and Urban Development, HUD) an Amedka kalikar koba kōn joñan eo baamle eo emaron kollaiki.
K. Ñe ewōr an kajojo armej ro kajjitōk kõn aikuj ko ikijen reen im madmōdin jumae eo woñ eo renaj kenono ibben?
U. Baamle ro rej bed ilo Burokraam in Jibañ ikijen Imōn Jokwe ilo Kōtaan Ien emōj rōjañ aer kenono ibben rijerbal eo ej jibañ bar kamool peba ko aer elañe ewōr aer bar kajjitōk kōn madmōdin jumae eo im ta peba in kamool ko rej aikuj ñan aer maron lomnak in kadiklok wonnen reen ko aer.
Ñan baamle ro rej bed ilo Burokraam in Jibañ ikijen Imōn Jokwe ilo Kōtaan Ien im ewōr aer bar kajjitōk ko jet remaron kall e Lain in Kall eo Kajojo Armej remaron kūrlok ñan Jibañ ikijen Imōn Jokwe ilo 808-784-1600.