Agtultuloy ti panagipabalay ti FEMA kadagiti nakalasat ti nakaro nga uram iti Maui idi Agosto 8, 2023 babaen ti programa a Direkta a Pabalay. Amin nga agdama a sangkabalayan nga agtalinaed a kwalipikado ti Direkta a Pabalay ket lisensiado iti yunit iti direkta a pabalay. Agtultuloy a maibalay dagiti partisipante laketdi agtalinaedda a kwalipikado iti programa ken kasapulan nga agtultuloy ti komunikasionda iti taga-mamagbaga ti re-sertipikasionda iti FEMA.
Saludsod ken Sungbat para kadagiti Partisipante iti Direkta a Pabalay
Saludsod: Apay a makiddaw nga umakar dagiti partisipante?
Sungbat: Naduma-duma a rason nu apay dagiti nakalasat dagiti yunit iti Direkta a Paupa ket kasapulanda nga umakar, ti kinatalged ti kangrunaan a prayoridad. Kangrunaan a gandat ti FEMA ket maipasigurado ti kinatal;ged, kinadalus, ken nasayaat a pagyanan. Iti agdama, naka-sentro ti FEMA kadagiti wagas a mangisubli kadagiti nakalasat ti West Maui, as-asideg kadagiti pagtaenganda. Maysa ditoyen ket ti panangipangpangruna kadagiti sanikua nga asideg ti Lahaina.
Saludsod: Ania ti mapasamak nu ti partisipante ket naidiayaan ti pabalay nga agsubli iti West Maui ken nagkedked?
Sungbat: Dagiti nakalasat ti nakaro nga uram a karaman iti programa ti FEMA a Direkta a Pabalay a nangiayebkas ti interesna nga agsubli ti West Maui ket agdama a konkontaken ti FEMA. Nu pilienda nga ag-saan wenno agkedked ti yunit iti West Maui, mabalinda nga agtalinaed iti agdamada a situasion ti pabalay. Ngem saanda a maidiayaan ti sabali a yunit iti West Maui kalpasan ti panagkedkedda ti umuna a naidiaya kadakkuada.
Saludsod: Ania ti mapasamak kadagiti partisipante nu ti kontrata ti landlord wenno agtagikua ti sanikua kas ti daga ket saan a naiyalud-od?
Sunbgat: Agtalinaed dagiti nakalasat ti nakaro nga uram iti Direkta a Pabalay a Programa ti FEMA aginggana Pebrero 10, 2026, laketdi agtultuloy a masurotda dagiti kasapulan wenno pagannurotan ti panagbalin a kwalipikado a partisipante. Nu ti agdama a kontrata ti yunitda ket saan a naiyalud-od ken kasapulandan ti tumalaw, adda ti alternatibo a solusion nga ipaay ti FEMA tapnu maakomodarda, laketdi agtultuloyda a kwalipikaso wenno aginggana ti panagngudo ti programa a Direkta a Pabalay.
Saludsod: Kasanu a mapakaammoan dagiti pamilia a naawanan balay seknan ti panagakarda nu ti agdama a kontrata ti sanikuada ket saan a nayalud-od?
Sungbat: Nasapa a mapakaammoan dagiti agup-upa babaen ti FEMA nu makiddawda nga umakar ti sabali a lokasion. Mangipaay ti alternatibo a pabalay a solusion ti FEMA para kadagitoy a sangkabalayan.
Saludsod: Kasanu a maipasigurado kadagiti nakalasat ti nakaro nga uram seknan ti seguridadda ti pabalay?
Sungbat: Numan pay adda dagiti panagbaliw ti situasion ti pabalay, maipasigurado kadagiit partisipante iti Direkta a Pabalay a Programa a nu agtultuloy a masurotda dagiti kasapulan iti panagpalisensia, agtalinaedda iti programa ken maibalayda aginggana a makasarakda ti permanente a solusion pabalay wenno aginggana nga agngudo ti programa.
Saludsod: Kaanu a mangrugi nga agbayad ti upa dagiti partisipante iti Direkta a Pabalay?
Sungbat: Amin a sangkabayalan iti Direkta a Pabalay ket mangrugi nga agbayad ti upa iti FEMA inton Marso 1, 2025.
Saludsod: Kaanu a mapakaammoan dagiti sangkabalayan seknan dagiti kasapulan iti panangrugi ti panagbayad ti upa?
Sungbat: Makaawat dagiti sangkabalayan ti 30- 60- ken 90- aldaw nga abiso a mangibagbaga dagiti kasapulan ti panagupa a mangrugi inton Marso 1, 2025 ken ti proseso ti panagapela ti balor ti upa.
Saludsod: Kasanu a madeterminar ti upa?
SUNGBAT: Maibasar ti bayad wenno presio ti upa iti Department of Housing and Urban Developmemt ( HUD) 2025 Fair Market Rent wenno ti Departamento ti Pabalay ken Pagdur-asan ti ili iti Maui karaman ti abilidad ti agtagibalay nga agbayad.
SALUDSOD: Siasinno ti kasarita dagiti agtagibalay nu kasta nga adda dagiti saludsodda seknan kadagiti kasapulan ti panagupa ken ti proseso ti panagapela?
SUNGBAT: Maguyugoy dagiti agtagibalay ti direkta a pabalay a makisarita iti taga-bayabayda seknan ti sertipikasion nu adda dagiti saludsodda iti proseso ti panagapela ken nu ania ti kasapulan a dokumentasion ti maibilang para ti pannakaibaba ti upa.
Para kadagiti saludsosd ti dagiti agtagibalay ti direkta a pabalay, tawagaan laeng ti Individual Assistance Housing Hotline wenno ti Hotline ti Pannakaasistir kadagiti Indibidual ti Pabalay nga 808-784-1600.