‘Oku kei hoko atu ‘a e tokoni e FEMA ke ma’u ha nofo’anga kiate kinautolu na’e uesia ‘i ‘Aokosi 8, 2023, mei he vela ‘i Maui ‘aki ‘a e Polokalama Nofo’anga Tonu. Ko kinautolu katoa ‘oku nau lolotonga taau ki he Polokalama Nofo’anga Tonu pea laiseni ki he ‘u ‘iuniti nofo’anga tonu. ‘E kei hoko atu ‘i ho nau nofo’anga ‘o kapau te nau kei taau ki he polokalama pea ke nau kei fetu’utaki mo ‘e nau ‘etivaisa FEMA ke toe ma’u setifikeiti.
F&T Kiate Kinautolu he Nofo’anga Tonu
F. Ko e hā ‘oku kole ai kiate kinautolu ‘oku kau ke nau toe hiki?
T. ‘Oku lahi pe ‘a e ‘uhinga kiate kinautolu ‘i he ‘iuniti Lisi Tonu ke nau toe hiki, pea ko e me’a mauhinga taha ke nau malu. Ko e taumu’a ‘a e FEMA ke fakapapau’i kiate kinautolu katoa ‘oku kau he polokalama ke nau malu, ma’a e nofo’anga, pea lelei mo e feitu’u. ‘I he lolotonga ni, ‘oku tukutaha ‘a e FEMA ke toe fakafoki mai ‘a e kakai ki he Hihifo ‘o Maui, ke toe ofi ki ho nau ngaahi ‘api, pea fakasi’isi’i ‘e nau hiki takai holo ‘i he motu. ‘Oku kau heni ‘a e ngaahi kelekele ‘oku ofi ki Lahaina.
F. ‘E fēfē kapau kuo ma’u ha taha ia ha kole ke toe foki ki Hihifo Maui pea ne faka’ikai’i?
T. Ko kinautolu na’e mo’ui mei he vela pea ‘i he Polokalama Nofo’anga Tonu FEMA pea na’a nau loto ke toe foki ki Hihifo Maui pea ‘oku nau lolotonga fetu’utaki mo e kau ngaue ‘a e FEMA. Kapau te nau fili ke fakafisinga’i ha ‘iuniti ‘i Maui Hihifo, ‘e lava ke nau kei hoko atu pe he feitu’u ‘oku nau nofo ai. Ka neongo ia, ‘e ‘ikai toe ma’u ha faingamalie ia ‘a mui ki Hihifo Maui he ‘osi hono fakafisinga’i ‘a e ‘uluaki kole.
F. Koe hā ‘e hoko kiate kinautolu mo e konituleki pule kelekele ‘oku ‘ikai toe fakaloloa?
T. Ko kinautolu na’e mo’ui mei he vela FEMA pea ‘oku nau ‘i he Polokalama Nofo’anga Tonu ‘e kei lava pe ‘o nofo he polokalama ‘o a’u ki Fepueli 10, 2026, ‘o kapau ‘oku nau kei taau ki he ngaahi fiema’u ko ia. ‘O kapau na’e ‘ikai toe hoko atu e konituleki ki he ‘iuniti kuo pau ke nau hiki mei ai, ‘e toe ‘i ai pe ha faingamalie ki ha nofo’anga kehe ‘e ‘oatu he FEMA, ‘o kapau ‘oku nau kei taau ki ai pe ko ha ‘osi mei he Polokalama Nofo’anga Tonu.
F. ‘E anga fēfē hono ‘ilo’i he ngaahi famili tukuhausia ‘o kau ki ha hiki ‘o kapau ko e konituleki mo e pule kelekele ‘oku ‘ikai toe fakaloloa?
T. ‘E tomu’a fakaha atu he FEMA ‘o kapau ‘e fiema’u ke nau hiki ki ha feitu’u kehe. ‘E toe ‘oatu he FEMA ha nofo’anga kehe kiate kinautolu.
F. Ko e hā ha ongo’i ‘e kinautolu na’e mo’ui mei he vela pe ‘e kei ma’u ho nau nofo’anga?
T. Neongo ‘e lava pe ke liliu ‘a e nofo’anga, ko kinautolu ‘oku kau he Polokalama Nofo’anga Tonu ke nau fiemalie pe ‘o kapau ‘oku nau kei taau ki he fiema’u ‘o fakatatau mo e felotoi ‘i he laiseni te nau kei lava pe ‘o hoko atu he polokalama ka e ‘oua pe kuo ma’u ha nofo’anga pau pe ko ha ‘osi mei he polokalama.
F. Ko fē ‘a e taimi ‘e fiema’u ai kiate kinautolu he Nofo’anga Tonu ke kamata totongi leni (rent)?
T. Katoa ‘a kinautolu he Nofo’anga Tonu ‘e kamata e totongi leni ki he FEMA ‘i Ma’asi 1, 2025.
F. Ko fē ‘a e taimi ‘e tala ai kiate kinautolu he polokalama ‘o kau ki he ngaahi fiema’u ke kamata totongi leni?
T. ‘E tuku atu ha ‘aho 30-60-mo e 90 ke ma’u ai ha tala ki he ngaahi fiema’u leni pea ‘e kamata ia ‘i Ma’asi 1, 2025, pea mo e founga ke fai ai ha fakatangi ki he lahi ‘o e totongi leni.
F. Ko e hā ‘a e founga ki hono fakafuofua’i ‘o e leni?
T. ‘Oku makatu’unga ‘a e totongi leni mei he U.S. Department of Housing and Urban Development (HUD) 2025 Fair Market Rent ‘i Maui fakataha mo e hā ‘e malavalava he kau nofo ‘o totongi.
F. Ka ‘i ai ha fehu’i ‘o kau ki he fiema’u ‘o e totongi leni mo e founga fakatangi ko hai te nau talanoa ki ai?
T. Ko kinautolu he Nofo’anga Tonu ke nau talanoa mo e kau ‘etivaisa ma’u setifikeiti ‘o ka ‘i ai ha fehu’i ki he founga fakatangi mo ha tohi ‘e fiema’u ke holoki ‘a e totongi leni.
Ka ‘i ai ha fehu’i ki he Nofo’anga Tonu ke nau telefoni ki he Telefoni Tokoni Nofo’anga Fakataautaha he 808-784-1600.