Kalpasan ti didigra, agtitipon dagiti tattao tapno tumulongda. Tapno mausarmo a naimbag dagiti kontribusionmo, napateg a surotem dagiti pagannurotan iti panagdonar ken panagboluntario a responsable. Dagiti napadasan ken pudno a kasayaatan nga aramid iti baba ti mangted kenka iti pangrugian.
Mabalinmo pay nga i-email ti FEMA Donations Unit para kadagiti sungbat kadagiti espesipiko a saludsodmo wenno tapno makaaramid iti in-kind a donasion.
Cash ti Kasayaatan
Dagiti pinansial a kontribusion ton mabigbigbig nga organisasion a mangsaranay iti didigra ti kapartakan, nalaka a maibagay ken kaepektibuan a pamay-an ti panagdonar. Ammo dagiti organisasion no ania dagiti banag ken kaadu ti kasapulan, masansan a gumatangda iti adu nga addaan diskuento ken, no mabalin, gumatangda babaen kadagiti negosio a lokal iti didigra, a mangsuporta iti panagsubli ti ekonomia.
Dagiti In-Kind Donations: Pasingkedan ti Ania, Sadino ken Kaano
Kasapulan dagiti naidonar a banag. Nupay kasta, no awan ti nainpanunotan a panagplano dagiti naidonar a tagilako mabalin nga ad-adda a mangpadagsen iti komunidad a sigud nga adda iti krisis. Ti pannakaammo no ania ti kasapulan, no sadino ti kasapulan, ken ti panangidanon iti dayta sadiay iti umiso a tiempo ti tulbek. Napartak ti panagbalbaliw dagiti kritikal a kasapulan. Sakbay nga agkolekta, pasingkedan ti kasapulan.
- Saan nga amin ket kasapulan. Saan a pulos a kasapulan dagiti nausar a kawes.
- Kasayaatan dagiti adu a donasion. Pallet loads ti maymaysa a banag, naurnos, ken naikahon.
- Napateg ti tiempo. Awan ti mangabak no nasapa unay wenno naladaw unay.
- Masapul a matrabaho ti transportasion. Kasano a makadanon dayta iti kasapulan?
Kumonekta no agboluntario
Dikay agsarili nga ag-deploy kadagiti lugar a nadidigra.
Ammo dagiti mapagtalkan nga organisasion nga agtigtignay iti naapektaran a lugar no sadino ti kasapulan dagiti boluntario. Depende iti didigra ken ti agdama a paset ti kasasaadna, makatulong unay dagiti boluntario tapno masigurado a makasubli dagiti nakalasat iti baro a normal a kasasaadda. Babaen ti pannakipagtrabaho iti naipasdek a non-profit organization, maikonsiderar ti maitutop a kinatalged, panagsanay ken paglaingan.
Napapaut nga amang ti panagimbag ngem ti atension ti media. Addanto dagiti kasapulan a boluntario iti adu a bulan, masansan nga adu a tawen, kalpasan ti didigra. Masansan a kasapulan ti tulongyo a nabayag pay kalpasan ti didigra.
No Kasano a Makatulongka
No adda dagiti banag nga idonarmo, panawen nga agboluntario a mangsuporta iti maysa a nonprofit, wenno kuarta nga ited ken adda saludsodmo, ag-email iti FEMA Donations Unit. Kayatmi a tulongankayo, tumulong kadagiti dadduma.
Tapno makasarak iti listaan dagiti mapagtalkan nga organisasion, kanayonan nga impormasion maipapan kadagiti donasion ken dadduma pay a rekurso, bisitaen ti National Voluntary Organizations Active in Disaster.