FEMA kin sewese tohnihmw me isikida nan Oahkohs 8, 2023 en kisiniei en Maui diar wasahn kousoan nan pirokiram en Sawas en Ihmw. Tepkihda Mahs 1, 2025, tohnpirokiram wet pahn anahne pwain ihmw. Uwen pweinen rent wiakihdahsang keseu en U.S. Department of Housing and Urban Development (HUD) 2025 Fair Market Rent on Maui oh sohte pahn pweilaudsang en tohnpirkoiram 30% en ah kapidolong. FEMA me kin pilada uwen pweine ahpw tohnpirokiram kak peki iang repenpwung sapahl.
Kalelepak oh Sapeng Kan: Uwen Isais en Pwain Ihmw
K. Iahd me tohnpirokiram en Sawas en Ihmw anahne tepida pwain ihmw?
S. Tohnpirokiram en Sawas en Ihmw koaros anahne pwaindahng FEMA pweinen ihmwarail ehu ehu sounpwong tepkihda Mahs 1, 2025.
K. Iahd me tohnpirokiram pahn esehla duwen anahne en tepida pwain ihmw?
S. Tohnpirokiram koaros alehdahr pakair rahn 90, 60, oh 30 mwohn arail anahne pwain ihmw tpkihda Mahs 1, 2025.
K. Dahme ma I pweilaudki uwen pwain ihmw wet?
S. Pakair kaselehda ia mwomwen peki iang repenpwung sapahl oh peki ale uwen pweine pweitikitik.
K. Ia mwomwen pweinen rent pilada?
S. Uwen pweinen rent wiakihdahsang keseu en U.S. Department of Housing and Urban Development (HUD) 2025 Fair Market Rent on Maui, kapateng en ehu ehu peneinei uwen arail kak pwain.
HUD Wasa: FY 2025 Final Fair Market Rents Documentation System — Select Geography
K. Iahd me tohpirkoram kin ale doaropwe pid isais, oh soang en ire kesempwal dah me doaropwe kaslehda?
S. Tohnpirokiram pahn ale doaropwe pid isais nan Mahs 1 oh doaropwe koaros me e kin ale pahn kaselehda ia uwen pweine, ia mwomwen ah kak pwain, oh iahd me e anahne pwain.
Kalelepak oh Sapeng Kan: Mwomwen Repenpwung Sapahl pid Pwain Ihmw
K. Ma mie en tohnpirokiram ah kalelepak pid anahn en pwain ihmw oh ia mwomwen ah kak peki iang repenpwung sapahl, ihs me e kak koasoaiheng?
S. Tohnpirokiram en pirokiram en Sawas en Ihmw kan kak koasoaiheng arail tohndoadoahk en recertification men ma mie arail kalelepak pid mwomwen peki iang repenpwung sapahl oh soang en mehn kadehde dah re pahn anahne ma re mwahuki pweitikitikla uwen pweinen ihmw.
K. Iahd me tohnpirokiram kan anahne peki iang repenpwung sapahl pwehn peki iang ale uwen pweine pweitikitik?
S. Tohnpirokiram kak peki iang ale uwen pweine pweitikitik lel rahn 60 mwurin arail ale pakair rahn 30 me kaseleiongirail me re anahne tepida pwain ihmw. Ahpw FEMA kin padahkih ni kehlail me aramas mwadang en iang peki repenpwung sapahl pwe aramas kak ale sapeng mwohn tep nan Mahs 1. Ma re pwand en iang peki ale, sapeng pid arail pekipek pil kak pwandala.
K. Ia mwomwen tohnpirokiram kak peki iang repenpwung sapahl pwehn ale uwen pweine tikitik?
S. Pwehn peki iang repenpwung sapahl, tohpirokiram anahne kawehwehda nan nting dahme re sohte kak pwainkihda ihmw oh kapateng doaropwe oh mehn kadehde kan me utung arail koasoai.
Nan doaropwe en peki repenpwung sapahl wet, tohpirokiram anahne kaselehda neirail anahn en pwain mehkoaros, iangahki ia uwen pweinen arail mortgage, daksis en sahpw, insurance en ihmw, oh mehn utility kan iangahki lioahl, pihl, kahs, oh oail.
Mehn kadehde kak iangahki:
- Doaropwe en Federal W-2 kan (de doaropwe en kapidolong kan) en tohnihmw koaros laudsang sounpar 18.
- Doaropwe en isais en mortgage en inou en rent ieu.
- Doaropwe en isais en daksis en sahpw de check me sapwungala.
- Doaropwe en insurance de check me sapwungala.
- Doaropwe en invoice kan de check me sapwungala pwehn pwain mehn utility kan.
Ma ke sohte kihda mehn kadehde pwukat, ke sohte kak iang ale uwen pweine pweitikitik.
K. Dahme pahn wiawi me re sohte kadeik en tohpirokiram ah peki repenpwung sapahl mwohn Mahs 1, 2025?
S. Ma pwung, tohnpirokiram kan me awi esehla pilapil pid repenpwung sapahl anahne pwain uwen pweinen ihmw koaros lel ansou me re kadeik ah kehs. Ma re pilada me ke kak iang ale uwen pweine pweitikitik, FEMA pahn kihonguhk uwen isais me ke sohte anahne pwain.
Peneinei kan me iang pirokiram en Sawas en Ihmw pil kak kahlih Individual Assistance Housing Hotline ni 808-784-1600.