Ñe kwōj bed ilo burokraam in Jibañ ikijen Imōn Jokwe ilo Kōtaan an FEMA, emõj lewaj juon rijerbal eo enaj jibañ eok ñan am kabōk imōn am jokwe. Aurok am naj woñmaanlok in kenono ibben rijerbal eo ej jibañ kwe ñan am maron tōbrak ñan imōn jokwe ilo kōtaan ien.
K. Naij bed ilo burokraam in Jibañ ikijen Imōn Jokwe ilo Kōtaan Ien an FEMA. Ewi joñan ikut in aō aikuj kenono ibben rijerbal eo ej jibañ ña kōn peba im melele?
U. Kwōj aikuj kenono ibben juon alen ilo juon allōñ, im ilo jemlokin ien kenono eo amiro, aikuj kōlaajrak ien eo juon komiro naj kenono. Rijerbal eo ej jibañ kwe enaj iwōj ñan mweo kwōj jokwe ie ilo kōtaan ien iomwin ien eo elabtata juon awa, im lewaj ien ñan am kenono kake ta am tōbrak ilo am kabōk mweo imōm im kōn jabdewōt abnōnō ko kwōj iooni kōn imōn jokwe eo am ilo kōtaan ien.
Aurok am etal ñan ien kenono eo emōj kōlaajrak. Ñe kwōjab maron bed mweo imōm ilo awa in ien kenono eo – waan joñak, ewōr oktak ilo awa in am jebral – kwōmaron kall e rijerbal eo ej jibañ kwe ñan amiro jañiji ien kenono eo ñan bar juon ien. Am jab kōjella im bed ilo ien kenono eo emōj kōlaajrak ñan an rijerbal eo lewaj jibañ kōn peba im melele emaron kōmman am jab tōbrak ñan imōn jokwe ilo kōtaan ien.
K. Ta wāween ko ij aikuj kōjella kaki ñan rijerbal eo ej jibañ na kōn peba im melele?
U. Kwōj aikuj kōjella kake jabdewōt oktak ilo kolla ko an rimweo imōm ñe ejab kadkad ko an armej ro rej jokwe mweo, einwōt ñe juon uwaan baamle eo ej emakūt ak diwōjlok jen mweo. Ñe ewōr juon an armej mweo nañinmej ak jejjetin aikuj eo ejenolok, kwōj aikuj kōjellaik rijerbal eo ej jibañ kwe. FEMA emaron lewaj juon mennin jibañ ñe ejab bukōt mennin jibañ ko relablok ñan kwe.
K. Ak ñe ewōr juon aō abnōnō ak jorrāān kōn mweo?
U. Ilo ien kenono eo, rijerbal ro rej jibañ renaj lale ñe ewōr jabdewōt jorrāān ilo mweo ñan loloorjak ej kōtōbrak joñan aikuj ko an FEMA. Joñan aikuj ko an FEMA rej loloorjak an ejellok uwōta in jorrāān ilo mweo, erreo, im emmon ñan am jokwe ie. Kwōmaron bar kōjellaik rijerbal eo ñe ewōr jabdewōt jorrāān ko rej aikuj kōmmane bwe FEMA en jela kōn jabdewōt jorrāān kein.
Ñan aer kōmmane jorrāān ko, kwōj aikuj kebaak kombani eo ej menija in mweo.
Ñe armej ro rekkar ioone jorrāān in kijeek ko im rej jokwe ilo Kilohana rej aikuj jibañ ñan aer kōmmane jorrāān ko ilo mweo rej jokwe ie, nomba in opij eo ej kōmman jorrāān ilo Kilohana ej: 877-959-6183.
K. Rijerbal eo ej letok jibañ emaron ke jibañ na kolla wonnen reen?
U. Aet, rijerbal eo emaron jibañ kwe melele kōn muri in wonnen reen eo am im kōmelele waj wāween am kollaiki ilo ien kenono eo amiro aoleb allōñ. Jouj im jela ke rejab ebōk kolla ko rej lelok kōn jāān.
K. Etke ewōr ien aō aikuj kenono ibben rijerbal eo ej jibañ na?
U. Rijerbal eo ej kamool ke kwōj maron tōbrak wōt ñan burokraam in jibañ kōn imōn jokwe ilo kōtaan ien an FEMA. Ilo ien kenono eo aoleb allōñ, rijerbal eo enaj lale joñan am tōbrak ilo am kabōk imōm ekkar ñan kwon eo emōj kar kōmmane moktalok ñan am kabõk imōm.
K. Ta in juon kwon eo emōj kōmmane ñan kabōk imōn jokwe?
U. Juon imōn jokwe ej kenono kake juon em kwōj kelet in emakūt ñane ālikin am emakūt jokwe burokraam in jibañ ikijen imōn jokwe ilo kōtaan ien an FEMA. Ñe kwar reen imōm mokta jen jorrāān in kijeek eo, emōj katmane ke kwōnaj bar rool ñan am reen imōn am jokwe. Kwon in kabõk imōn jokwe aikuj kōmman ilo wāween eo emaron tōbrak im kwōmaron kolla wonnen.
K. Ewi wāween aō maron kwalok ñan rijerbal eo ej jibañ na ke ij kōmman tōbrak ilo kwon in kabōk imōn jokwe?
U. Rijerbal eo enaj kajjitōk am lelok kamool ke kwar kanne am peba ñan juon em ñan kwalokke kwōj makūtkūt in ilo kwon in kabōk imōn jokwe eo am.
K. Ewi wāween an rijerbal eo maron jibañ na ñe ebin aō kabōk em ak lomnak ñe imaron kolla wonnen mweo?
U. Rijerbal eo ej lewaj jibañ emaron lewaj peba ko ekoba imōn jokwe ko kwōmaron emakūt ñani ilo Maui, jerbal ko kwōmaron kateruru ñani, im kumi in armej ro ilo jukjukinbed remaron lewaj mennin jibañ. Rijerbal ro remaron bar jibañ am kōjejjet kōtōbar ko kwōmaron kōmmani ñan am kabōk imōn jokwe eo kwōmaron kolla wonnen.
K. Ñe ewōr aō kajjitōk kōn kolla in wonnen reen ak melele ko jet kōn imōn jokwe ilo kōtaan ien ak wāween aō naj emakūt ñan mweo imo, imaron ke kall e rijerbal eo ej jibañ na kōn peba im melele?
U. Aet, emōj rōjañ am kenono wōt ibben rijerbal eo ej jibañ kwe im komiro aikuj kenono ibben doon juon alen ilo juon allōñ. Rijerbal rein rebojak in uwaake kajjitōk ko am. Loloorjak am kakwone talebon nomba eo emōj kar lewaj.
K. Ewi wāween aō maron kamool ke armej eo ej kall e na ej rijerbal eo ej jibañ na ilo FEMA?
U. Ñe kwōkōnaan kamool ke armej eo ej rijerbal eo ej jibañ kwe ilo FEMA, kwōmaron kajjitōk an kamool melele ko emōj lelok ñan FEMA. Kajjitōk eo jinointata kwōmaron lelok ej bwe en kamool nomba in melele ko am ibben FEMA.
Am woñmaanlok in kenono im jerbal ibben rijerbal eo ej jibañ kwe kōn peba ko am enaj loloorjak a loe jibañ im melele ko kwōj aikuj ilo aoleben ien madmōd eo.