Ti impormasion iti daytoy a panid ket saanna nga iyanninaw dagiti update ti Indibidwal a Tulong para kadagiti didigra a naideklara idi wenno kalpasan ti Marso 22, 2024.
Ammuem ti ad-adu pay maipapan iti magun-odan itan.
Ti FEMA’s Individuals and Households Program (IHP) ket mangipapaay ti pinansial ken direkta a serbisio kadagiti maikari nga indibidual ken sangakabbalayan a naapektaran iti didigra, nga addaan kadagiti saan a nakaseguro wenno kurang ti naseguro a kasapulan a gastos ken nakaro a kasapulan. Ti tulong ti IHP ket saan a kasukat ti insurance ken saan a makabayad iti amin a pannakapukaw gapu iti didigra. Ti tulong ket nairanta a mangpennek kadagiti kangrunaan a kasapulam ken mangnayon kadagiti panagregget a mangbangon iti didigra.
Nakumikom ti FEMA a mangipaay iti agpapada a pannakagun-od kadagiti rekurso ken tulong iti panagsubli iti didigra. Ipakaammom iti FEMA no sika wenno ti asinoman iti sangakabbalayanmo ket addaan iti baldado wenno kasapulan iti pagsasao.
Mabalin a karaman ti Tulong ti IHP:
- Pondo para iti temporario a balay bayat a dika makapagnaed iti pagtaenganyo, kas iti tulong iti panagabang wenno pannakaisubli dagiti gastos iti hotel
- Temporario a yunit ti balay, no naaprobaran para iti didigra, no dika makausar iti tulong iti panagabang gapu iti kinakurang dagiti magun-odan a rekurso ti balay
- Pondo a mangsuporta iti pannakatarimaan wenno pannakasukat dagiti pagtaengan nga okupado ti makinkukua nga agserbi kas kangrunaan a pagtaengan ti sangakabbalayan, agraman dagiti pribado a ruta a pagserkan, kas kadagiti dalan a pagserkan, kalsada, wenno rangtay
- Pondo para iti tulong a mangpabassit iti peggad tapno matulongan dagiti maikari nga agtagikua iti pagtaengan a mangtarimaan wenno mangbangon manen kadagiti napigpigsa, nalaglagda a pagtaengan
- Pondo para iti dadduma pay a di naseguro wenno kurang ti naseguro a gastos ken nakaro a kasapulan gapu iti didigra
Kalikaguman ti Privacy Act ti FEMA a mangala iti naisurat a pammalubos manipud iti aplikante tapno maibinglayda dagiti rekordda iti tulong iti didigra iti maikatlo a partido. Dagiti aplikante a kayatda nga autorisaran ti FEMA a mangibinglay iti impormasionda iti maikatlo a partido ket masapul a kompletuen ti FEMA FORM FF-104-FY-21-118: Autorisasion para iti Pannakairuar ti Impormasion iti Sidong ti Privacy Act ken isublida iti FEMA.
Ammuen ti Maipapan iti Tulong ti FEMA IHP
- Ammuem ti ad-adu pay maipapan itiFEMA Sheltering and Housing Assistancea mabalin a maikarika nga umawat.
- Maawatan dagitisapasap a pagalagadan ti pannakakualipika a kasapulan a matungpaltapno makaawat iti tulong.
- Ammuem ti maipapan iti kinaumili ken dagiti kasapulan ti kasasaad ti imigrasion para kadagiti pederal a benepisio ti publiko.
- Repasuen no ania ti saklawen ti tulong ti FEMA para kadagiti sangakabbalayan ken dadduma pay a kasapulan.
- Ammuem no kasano ti agaplikar iti tulong online, babaen ti telepono wenno personal.
Dagiti aplikante nga agkasapulan iti Continued Temporary Housing Assistance ket mabalinda ti agkiddaw iti kanayonan a tulong babaen ti panangkumpleto iti FEMA Form FF-104-FY-21-115: Aplikasion para iti Continued Temporary Housing Assistance ken isublida iti FEMA agraman dagiti mangsuporta a dokumentasion.
Dadduma Pay a Programa ti Tulong
Malaksid iti balay, addaan ti FEMA kadagiti dadduma pay a programa ti Individual Assistance a nadisenio a mangsuporta kadagiti nakalasat iti didigra, kas iti Disaster Unemployment Assistance, Crisis Counseling, Disaster Legal Services ken dadduma pay.