Sio he Vitio YouTube ‘i heni : Kilohana Sewer Project: Upgrading Infrastructure for a Stronger Community
LAHAINA, MAUI –Ko e langa fakataimi ‘a e FEMA’s ‘i Kilohana Fakataimi Feitu’u Kulupu Nofo’anga pea ‘e ‘i ai ha lelei taimi loloa ki Lahaina.
Ke ma’u ‘e Kilohana ‘a e faingamalie ki he sisitema sua ‘o e Vahenga Maui, ko e U.S. Army Corps of Engineers (USACE) mo e kau hoa ngaue na’a nau ngaue ke fakaloloa ‘a e sisitema sua lolotonga ki he feitu’u. ‘Oku lele atu ‘a e fakaloloa he kaunga’api ‘o e komiuniti ‘o Wahikuli pea ‘oku nau lolotonga faka’aonga’i pe ‘a e tanaki’anga. Ko e ‘osi eni, ko e Hala Kealamoka Fleming Laine Sua ‘e lava ‘o tokoni ki he ongo feitu’u kulupu nofo’anga mo e ‘u kelekele he Hala Fleming mo e Hala Malo.
“’Oku ‘ikai ngata pe ‘emau tokoni taimi nounou, ka ko ha poloseki ‘oku mau fakahoko ‘oku mau sio loloa pea langa ke tu’uloa ‘i he komiuniti ‘i he ‘emau tokoni ke toe mo’ui mai ‘a e komiuniti,” ko e lea ‘a e FEMA Pule Faka’elia ko Robert Fenton.
Ko e fuofua taimi ‘eni ki he kelekele ‘e 29 he Hala Fleming ke nau ma’u ha sisitema fakaonopooni ‘a e vahenga. Ko e tahahiva ‘o e ngaahi kelekele ko ‘eni na’e maumau pe ‘auha mei he vela ‘i Maui ‘i Aokosi 8, 2023. ‘Oku feinga ‘a e kakai ke toe langa, pea lahi mo e fakakaukau kuo fakahoko ki he fakalakalaka ‘a e tu’unga mo’uilelei ‘i he langa ko ‘eni.
Ko e ngaahi tanaki’anga sua, hange ko ee ‘oku fa’a faka’aonga’i he kaunga’api Wahikuli, ‘oku kaunga kovi ki hono faka’uli’i ‘a e kelekele, vai, ‘oseni mo e vaitafe. ‘Oku pehe he U.S. Environmental Protection Agency (EPA), ‘oku faka’aonga’i ‘a e vai he lalo kelekele ‘o ofi ki ha 95% ki he katoa he kakai ‘i Hauai’i.
Na’e fakapale’i he FEMA ‘a e konituleki 19.4 miliona ke fakaloloa ‘a e laine sua ‘oku lele ki he Lahaina Wastewater Reclamation Facility, pea ‘oku tauhi ia he Vahenga ‘o Maui, ke fakapapau’i ko e mo’uilelei, malu mo tu’uloa ki he komiuniti fakakatoa.
Talu mei Siulai 10, 2024, FEMA, USACE, kau konituleki fakalokolo ‘a Maui, mo e Vahenga ‘o Maui, kuo nau ngaue fakataha ke fokotu’u ha fute 2,500 ‘o e laine sua. ‘Oku kau he poloseki ko ‘eni ‘a e:
- 1,500 fute fua loloa ‘inise-8 laine sua ‘oku lele he Hala Fleming
- 1,000 fute fua loloa ‘inise-12 laine sua he Hala Malo
- 28 lele fakatafa’aki ki he ‘u kelekele ‘a e kakai
- 11 matapa luo ki he sua
Tanaki atu ki he fakaloloa ‘o e sua, ko e EPA mo e Vahenga ‘o Maui ‘oku nau fakahoko ha toe vakai’i ‘o e ‘atakai mo toe fa’ufa’u ha sisitema sua ‘o e kalavite ki he toenga ‘o e ‘elia kaunga’api Wahikuli. ‘Oku kei ngaue pe ‘a e komiuniti ki he poloseki ko ‘eni mo e ngaahi faingamalie ke kau mai ‘a e kakai ki ai. ‘Oku kole ‘a e EPA ki he kau ‘ouna ‘o e ‘api ke nau vakai’i ‘a e tanaki’anga sua pea malava ai ‘o hiki ‘a e fiema’u ke fakahu ha kole ke toe ma’u ha pemiti langa mo ha faka’aonga’i fakataimi ‘a e tanaki’anga ko ‘eni kimu’a ia he langa ‘a e sisitema sua.
‘I he toe langa ‘a e ngaahi kaunga’api, ‘e fiema’u ke nau hoko’i ki he sisitema sua fo’ou pea kuo pau ke ma’u ha pemiti sua mei he Department of Public Works Development Services Administration (DSA) ‘a e vahenga pea to’o lelei ‘a e tanaki’anga li’aki ‘o fakatatau mo e Department ‘o e Mo’ui ‘a e siteiti. 4LEAF ko e konituleki ia ‘a e vahenga ‘oku nau fakavave’i hono vakai’i mo ‘oatu ‘a e pemiti ki he langa ‘i Lahina pea tokoni ki he ngaahi founga ko ‘eni. Ko e laine sua ‘a e vahenga ‘e fokotu’u ia fute 2 mei he ‘ouna kelekele pea toki ngaue ‘a e ‘ouna ia mo e kau konituleki palama ke hoko’i ki he laine.
‘Oku toe lahi ‘a e fakaikiiki ki he founga pemiti pea lava ke ma’u ia he Maui County Disaster Recovery Building Permit website.
‘I he poloseki ko ‘eni ‘a e FEMA mo e ‘u hoa ngaue ‘oku nau tokoni kiate kinautolu na’e mo’ui mei he vela ke nau toe foki ki Mauhi Hihifo. Ko ha fakalakalaka ‘eni ki he mo’uilelei mo e malu’i ki Lahaina pea ‘e tokoni lelei ki he komiuniti he ngaahi ta’u lahi ka hoko mai.
Ke ma’u ‘a e fakamatala fakamuimui ki he toe fakalelei ki he feinga vela ‘i Maui, ‘a’ahi mauicounty.gov, mauirecovers.org, fema.gov/disaster/4724 mo e Hawaii Wildfires - YouTube. Muimui ki he sosolo mitia ‘a e FEMA: @FEMARegion9 mo e facebook.com/fema. Te ke toe lava ‘o ma’u ha fakamatala tokoni fakatamaki pea taunilouti ‘a e tohi kole he sba.gov/hawaii-wildfires.