Kosonned me iei Stafford Act kaweid FEMA en kihda direct temporary housing de pwain wasahn keiru kak lel erein sounpwong 18 (eisek waluh) ansou me aramas me doke sawas wet sohte kak pein kilangada wasahn keiru pwehki epwel en wasahn keiru. Me sansal pah iei pasapeng kan ong kalelapak me kin kalapw kohda duwen wasahn keiru.
Q: Ia duwen FEMA ahr kin kasawihada ihs aramas me pahn prioridi de keieu karuwaru ong alehdi wasahn keiru de temporary housing unit.
A: Me lellong kahpwal oh audehdahier neirail aplikeisen rehn FEMA oh me kihda kisin likoun kadehde koaros me kamehlele duwen ohla laud me wiawi ong arail wasahn kousoan mehlel pahn ntingdihier oh awihawih rehn likuwerda ong sawas wet. Ekei irair en kahpwal me rasehng peneinei kan me kekeiru nan public shelter, nan tent de nan wasa teikan me sohte soanamwahu oh keper kin wia aramas me pahn prioridi de iang mwadang alehdi sawas ong wasahn keiru sang FEMA.
Q: FEMA kin kihda wasahn keiru ong emenemen aramas oh peneinei tikitik kan me kasaukihda kisiniei kan lao lel soupwong 18 (eisek waluh). Ia duwe ma I sohte kak diarada wasa me I kak udahn kousoanlaie mwohn imwseklahng sounpwong 18?
A: Ma FEMA, de tohn doadoahk en wehi de kousapw pahn kadehde me mie anahnepen sawas en daulihala sounpwong 18 me koasoandihiero, oh komw kapwaiadahr koasoandi koaoros leledohr ansouo, komw kakete iang ale karairailahn sawas me pahn pahsan ehu ehu sounpwong.
- Pwehn kakete ale sawas, komw anahne idawehn koasoandi koaros me pid doadoahngki wasahn keiru pwukat me rasehng apwalih mwahu ihmwo, tuhweng noumw caseworker de me wia omw soun sawas oh, me keieu kesempwal, en wie nannantiongete rapahki wasa tohrohr me kak wia wasahn kousoanla mehlel.
Q: Sawas en keiru kin kak en mie lipwe ong sawas teikan sang FEMA?
A: Soh. Ma komwi emen me sapwasapw de imwaniki ihmw, komw pil kak iang ale sawas sang FEMA ong kamwahulahn ihmw ni ansou me komw pahn mihmi nan wasahn keiru me kin kohda erein ansou mwotomwot. Me imwahniki ihmw oh me kin rend koaros kak pil iang alehdi sawas teikan sang FEMA de FEMA Other Needs Assistance me rasehng pweipwei me pid imwen wini de wasahn wiengih ma ohla kan pid kahpwal en kisinieio, epwelseri, ohlan weren tangatang de sdohsa, pweinen kasauwada de nahk kehpwe, mehla oh onehda de welianda kepwe me anahn kan.
Q: I kak lukehdo aramas en kohdo nan ahí wasahn keiru, de mweidehng mehteikan en kohdo iang koasoan wasao de pil rendla ehu pere nan ahi wasao ong emen tohrohr?
A: Komw kak lukehdo aramas en mwemweitdo, ahpw komw sohte kak rend imwomwo de wiahki ong elen sent. Ma emen tohn peneinei anahne kosoudo rehmw nan omw wasahn keiru, komw anahne kalellehki caseworker de sounsawas pwehn wekidala duwen me nting nan kondrak. Ma emen tohn omw peneinei tikitik neitik, FEMA kin kapatahieng serio nan kondrak ni eh pah wiahla emen tohn imwomw de tohn nan wasahn keiru.
Q: I kak wahdo nei mahn mand kan nan wasahn keiru?
A: Ehng. Komw anahne kalelehki noumw caseworker de sounsawas uwen tohtohn mahn oh soangen mahn dah me wia kisehn tohn imwomwo. FEMA pahn kilangehnguhk ihmw nan Pwurokirahm en Direct Lease me kin mweidada mahn. Kataman me nan Pwurokirahm en Direct Lease, FEMA me kin pwain wasahn rend de wasahn keiru ahpw uhd mweidehng aramas me lellong kahpwal en wiahki arail wasahn keiru ong erein ansou mwotomwot de ansou me koasoandier.
Q: Mie mehkot I kak wia pwehn kamwadanga nei aplikeisin ong sawas?
A: Ehng. Koasoandi sang Pwurokirahm en Direct Lease iei me komw pahn wia background check, de petehkpen ahmw rekohd me pid pweipwand de ma mie ansou me komw kawehlahr kosonned. Komw en mwadangete kihla kisin likou koaros me pwihn en apwalih wasahn rend pahn anahne ong kanekehla petehk wet.
Q: Mie mehkot I kak wia pwehn kamwadanga nei aplikeisin ong sawas?
A: Me lellong kahpwal kak kamwadanga aplikeisin ong sawas sang ni arail pahn pahsan delepwohn me pahn kohdohsang FEMA. Met pil iangahki sewese FEMA en kak alehdi pasapeng ong arail kalelapak koaros oh kin wie wehwehiong FEMA ansou koaros pwehn mwadang alehdi rohng me pid iahd re pahn kak pilipilda en alehdi wasahn keiru.
Pwehn wehwehiong FEMA ansou koaros, tehk onlain ni DisasterAssistance.gov. Padik pwatin me pohndihpw oh nting ni Wai ‘Check Status’ pwehn wiahda akound onlain. Doadoahngki ihmeilohte me komw doadoahngki ansou me komw aplahiehr ong sawas. Ma komw aplahi ong sawas onlain de ni sehl nan FEMA app, eri miehier sapwellimwomwi akound ong sawas en kahpwal.
Komw kak koahl FEMA Helpline ni delepwohn nempe 800-621-3362. Ma komw kin doadoangki pidiohn peuse me salengopon (VRS), delepwohn me kin peliali nting, de sawas en koasoakoasoai teikan, komw kalahngan oh kihiong FEMA sapwellimwomi nempehn delepwohn ohng sahpiso ansou me komw pahn aplahi. Tohnsawas en FEMA Helpline kin kak kihda sawas ni mahsen tohto oh lain en delepwohn kan kin langalang sang kuloak 2 ninsohran lel kuloak 9 nihpwong (2 a.m. lel 9 p.m.), rahn 7 nan wihk ehu, de rahn koaros. Padik 2 ong Lokaiahn Spanish. Padik 3 pwehn tehk ma mie sounkawehwe me ese Lokaiahn Pohnpei.
Komw kak pein pwarala ni Wasahn Disaster Recovery Center de Kempahn Sawas ong Apwalih Kahpwal Lap me mie Lahaina Civic Center Gymnasium, 1840, Honoapi’ilani Highway nan Lahaina.
Pwehn alehdi mengihtik en me pid sawas on kisiniei kan en Maui, komw tehk mauicounty.gov, mauirecovers.org, fema.gov/disaster/4724 oh Hawaii Wildfires - YouTube. Komw kak dadaur duwen sawas sang FEMA nan X de nan Facebook ni: @FEMARegion9 oh facebook.com/fema. Komw pil kak alehdi iren kair me pid sawas ong kahpwal kan oh daunlohd de ale aplikeisin kan sang ni sba.gov/hawaii-wildfires.