LAHAINA, Maui – Ewe Federal Emergency Management Agency a suki an ewe minafon Kilohana neenien imwen fansoun mwochomwoch ikenai, a fori angangen afeieochun mwich me etiwa ekewe aewin aramas chon suseni ewe punopunen af mi wareto non ekei imw.
Nupwen a wesino, Kilohana epwe tongeni awora 167 imwen fansoun mwochomwoch me anisi ekewe aramas mi suseni ewe punopunen af non Lahaina nupwen fansoun ar fori sefani manawer me kut wesewesen imwer. Non Nov 18, a fen wesino me kawor 94 imw ngeni ewe neenien imw a nomw non Fleming Road me Malo Street. Ekei imw mi pusin wor masowen me kawor pisekin.
“Non ach angang fengen, sia tongeni fori me awora imwen fansoun mwochomwoch ngeni ekewe aramas mi suseni ewe punopunen af,” iei anon ewe FEMA’s Region 9 Administrator Robert J. Fenton. "Sia fori ew sosonoch mi murino faniten nukuchar, echikar sefan, me asofo sefanin aramasen non West Maui."
FEMA a meni unungat kompani, Dynamic, Timberline me Acuity - ar repwe fori imwen ew, ruu, me unungat bedrroom me non continental Merika iwe nukei ngeni Maui. Ewe U.S. Army Corps of Engineer mi pwan wareto ar repwe amwonata ewe fonuwen 34 acre ren neenien ewe mwichen imw.
Ekei imw ra for ar repwe manawatam tori 30 ier ika fen nuseni. Iei aewin an FEMA epwe pusin fori ika awora imwen fansoun mwochomwoch - iei a iteni Alternative Transportable Temporary Housing Units - mi oponuweta ekewe onukun local me international.
Iwe FEMA a tongeni an epwe finata epwe aia sefan ekei imw nupwen esapw chuen wor chon nonomw non faniten imwen fansoun mwochomwoch me anisi nafun imw me non Maui. Kilohana a nomw arun ewe neenien imw,, Ka Laʻi Ola, ir ra wisen fori ekei imw faniten 450 aramas me famini mi suseni ewe punopunen af.
Ren pwal ekkoch minefeen pworous usun ekkewe angang weires fan iten ewe ekkei watte mi fis won Maui, lo ngeni mauicounty.gov, mauirecovers.org, fema.gov/disaster/4724 me Hawaii Wildfires - YouTube. Ka tongeni fiffiti FEMA wóón sakkopaaten neeni wóón social media: @FEMARegion9 and facebook.com/fema.