Alügüdahani to Sunwandantu

Lidan aba megeiguou—segunme lubeiweiri denchaü le ladügübei aba damichi ani sun masaranbu le tidabei buba asiradihati lun hatuadi gürigia, choruni o lun liñuragu sensu lidan aba éüdü—tarîhibei FEMA luagu gayarabei lâ babuduou niwa lun lagüdarun masaranbu lidagiñe Atauhagülei lun Idêmue Houn su Gürigia (Public Assistance Program). Lidabui kesi le, tawadügümeduba FEMA luma uruwei, lidan éüdü, tribialesi luma fúlasuagei lu abuduhou walibei lun labudahoun sun masaranbu lidagiñe, ñeibei gíñe fúlasu le mama lani uruwei abuduhou wati laganagua. Ladüga run masaranbu ligia aubei lebeseda éüdü, mama gíñe lun lagañeirun aba gürigia o aba oundaruni habu fiyu gürigia. 

Anhei megei bubei idêmue lun lagüdarun masaranbu labu lufurese larigiñe aba damichi, aríhaba anhei anihei hali lubei aba Linea lun Idêmue lun Megeiguou (Crisis Cleanup Hotline) yarafa bun.

Laganagua aba damichi le lariñagubei uruwei luagu weiriti la anihei Idêmue lun aba Gürigia (Individual Assistance), aba uburugu, tribu fúlasuagei gayarabei hamúriaha Idêmue luagu luwan Wadagümanu laganagua Damichi (Unemployment Assistance, DUA). Aniha DUA tumagiñe FEMA hadarirei sensu ani FEMA adügübei lidagiñe tidan Oundaruni lun Wadagümanu (Department of Labor, DOL) tuma Atauhagülei lun Wadagümanu luma Aroudahani (Employment and Training Administration, ETA). Aniha DOL-ETA nadagümetu tuma Ofisi to Herebou lani Wadagümanu luma Uruwei (State Workforce Agencies) lun hichugu idêmue luagu luwan wadagümanu hôun sun ha asalbarubaña mawadügümeidu baña o hôun ha moudibaña lidoun hawadügumei ladüga damichi ani gunfuli tiña labu sun rekisitu le lani DUA ani mabuduhou watiña lun amu buidu luagu luwan wadagümanu luma uruwei.

Le luweiri agei lidagiñe idêmue laganagua damichi, mosu tapúpuduni FEMA sun denchaü le ladügübei damichi luma aba aríyahati muna lidan fúlasu ligia. Larigiñe me barunahanu bigárada, hayabiba nadagümetu tida gíñe FEMA o aríyahati muna hawaruba bu laganagua dimâsu lu bareidu aba houra lu gayarabei la hagufuliruni arîhini tani muna. Gayarabei lasaliru linumeru gágamu kei ibidiñewati o kei aba numeu le siñati bawaru lidoun.

Anhei siñabei lubei tayanuha FEMA buma luagu arîhini tani muna, hounahaba aba gárada bu, lau fulesi, mosu basígiruni su adundehani le tidabei gárada lu gayarabei la bawaru tu FEMA lu bareidu aba dan lu hayabi arihou buba. Masigirubei tou bigárada deime bounahanu gárada to megeiwabou.

Mounahaba madiga buguyame abaya iseri gárada laganagua latauhaun idêmue le ladigibei damichi.

Lu badariru masi ñunsu luagu tarihi FEMA muna bagaira o dise lue bagaira, beluba lidoun ubanaü le Arîhini tani Muna.

Sensu ligiatima katei ayusurubei lu bideguniña ha asalbarubaña lidagiñe aba damichi. Su idehani le lauti sensu ruti chânsi tu oundaruniagei to idehabou sin ni aba fiyadü lu hídeha luma lun heteniru lau furesei lun sun megeiguou. Anhei busiñe bubei bídeha, gayarabei badariru oundaruni to afiñebati tuagu ani to nadagümetu lida fúlasu le ñein lubei damichi gayarabei babelu lidoun Oundaruni to  lidanboun aba Nechani hôun Idehátiña lidan Damichi le Weiriti.

Lu badariru masi ñunsu luagu  tarîhini FEMA muna bagaira o dise luei bagaira, beluba lidoun Ubanaü lun idehatina luma edewehani.

Gayarabei bebeluru lidoun Ubanaü tani FEMA lu Wadagümanu lu badariru aba wadagümanu bu.

Anhei sansiwabubei o gidawabubei tida gíñe buba ani ibidiñeti bu anhei gadei tubei buba, beluba lidoun ubanaü DisasterAssistance.gov lu bamúriaha aba idêmue. Gayarabei bawaru lidoun gágamu le lanína Idêmue tani FEMA (FEMA Helpline) le 800-621-3362 lu bawisaruni aba hadagiñe nadagümetina luagu bikesi. Anhei ayusura buguya aba serbisiu le lani bigibigiti replay (video relay service, VRS), gágamu o anu katei, mosu bichuguni linumeru tu FEMA lu tidegunibu.

Uwa. Lidan bui sun kesi, mafayeiruti sensu le tichugubei FEMA lariguou. Anhei anihei lubei aba seguru buma le lunbei ladouragu lau bisounbu, ani aba bamúriaha tuma FEMA lu tafayeiru sun gastu le ladüga latarasadu bani seguru, mosu bagiribugüdüni sensu ligia tu FEMA larigiñe beresibiduni bisensu tida gíñe seguru.

Lârigi ñeme barudunu bigárada, gayarabei barunahanu tidoún Atauhagülei to tani Tirahüñü  Oundaruni Meríga (U.S. Small Business Administration, SBA) lun badariru aba furedei lani sensu luagu damichi tuma SBA badariru idêmue lun laferedehôun sensu kei aba lata hôun idêmue luagu damichi.

Idehátu FEMA tuma SBA lun harîhini anhei gayarabei lubei badariru sensu lun idêmue tuagu buba o tuagu ugunei to tani FEMA o tun SBA. Michugutu FEMA ubafu lun lichuguniwa sensu hôun gürigia ha gayarabei lubei habuduhoun luagu lun furedei lani sensu aba prestamu tuma giñe SBA.

Mounaha tubou FEMA ñunsu tu SBA luagu meigei ba aba furedei lani sensu luaguti damichi anhei gunfuli bubani estandaresi lun bebeluru tidoún SBA. Tayusurubei FEMA sensu le abelubei tidoún buba írumu au luma atiriñanu la gürigia awiwandu tiña ñei ha tidabaña bigárada lun tarîhini FEMA anhei gayarabei lubei tounahaniña tidoún SBA.

Uwati obligawaba lun gayarabei lan beresibidun aban oferta le lani furedei lani sensu tuma gíñe SBA; gama lumoun, anha ichuguwa ani marigüdü bumuti, mounahou wabadibun bariguoun tidoún FEMA lun badariru idêmue tuagu muna o ugunei. Gayarabei bawaru lidoun gágamu le lanína Idêmue tani FEMA (FEMA Helpline) le 800-621-3362 anhei anihei lubei amu alügüdahani buma o anhei megei bubei idêmue lau amu ñunsu.

Sun idêmue tuma gíñe FEMA magubuahouti ani uwabei denchaü la bun lun babuduouniwa tidan seguru social, Medicaid, o Idêmue luagu Atauhagülei lani Eiginiagei  (Supplemental Nutrition Assistance Program, SNAP) o amu buidu luma gíñe uruwei.

Lu bamúriaha idêmue tumagiñe FEMA, mosu baruduni dugumêdu to:

• Üma lu tadariruniwa buba
• Kondision le aubei ta buba, anhei subudi ba
• Ñunsu luaguti seguru, anhei aranseli lubei
• Linumeru bani Seguru Sociali
• Linumeru gágamu lun lawaruniwa bu
• Aba üma lun lasubudiruniwa haliou bala beresiwida korreu garabaligütu luaguti uganu le garabaliguti
• Sensu le ebelubei bubiñoun ka irumuauti
• Ñunsu luagu bikuenta haleügu, anhei busiñe bubei idêmue le lauti sensu directuti

Lidan lariñawaguniwa aba damichi rutu ka la fúlasu abuduhou wabei lu leresibidu idêmue luma gíñe uruwei. Lun barîhini anhei abuduhou walubei bagaira:

1. Beluba lidoun DisasterAssistance.gov
2. Ubei linumeru o liri buburugute lida gadürü ligirigua aríyahani.
3. Deibei liri bagaira/ligilisi ünabugiñe lu “kondados ariñawaguni.”

Su gárada to tabudahabou FEMA luagu damichi resibi watu lidan 60 weyu lumagiñebei latátiru dan le lariñawagubei damichi, gama lumoun dan le lubei bounahanu bigárada gayarabei lamigifedu masi lidan amu luyerigu damichi.

Gayarabei barudu aba gárada o basansiruni ñunsu lidan línea DisasterAssistance.gov Gayarabei bawaru lidoun gágamu le lanína Idêmue tani FEMA (FEMA Helpline) le 800-621-3362 o lidagiñe aplikasion to lauti gágamu sumaditi tidan FEMA.

Anhei ayusura buguya aba serbisiu le lani bigibigiti replay (video relay service, VRS), gágamu o anu katei, mosu bichuguni binumeru tu FEMA lu tidegunibu.