FAQ: LENI NOFO’ANGA TONU FOUNGA FIEMA’U KI HE FAKATANGI
[https://www.fema.gov/to/fact-sheet/faq-direct-housing-rental-requirement-appeal-process]


Release Date: 
Feb 21, 2025 

Release Number: 
FS-052 

‘Oku kei hoko atu ‘a e tokoni e FEMA ke ma’u ha nofo’anga
kiate kinautolu na’e uesia ‘i ‘Aokosi 8, 2023, mei he vela ‘i
Maui ‘aki ‘a e Polokalama Nofo’anga Tonu. KAMATA ‘I MA’ASI
1, 2025, KO KINAUTOLU NA’E KAU HE POLOKALAMA KO ‘ENI ‘E
FIEMA’U KE NAU KAMATA TOTONGI E LENI. ‘Oku makatu’unga ‘a e
leni mei he Department of Housing mo e Urban Development Fair Market
Rate ki Maui pea ‘ikai ke lahi ‘aki ha 30% mei he pa’anga hu mai
‘a kinautolu katoa ‘oku nofo he ‘api. Kuo fokotu’u he FEMA e
lahi ‘o e totongi pea ‘e lava ke fai ha fakatangi me’iate
kinautolu ‘oku nofo he ‘api.

Q&A: FIEMA’U KI HE TOTONGI LENI  

F. KO FĒ ‘A E TAIMI ‘E FIEMA’U AI KIATE KINAUTOLU HE
NOFO’ANGA TONU KE KAMATA TOTONGI LENI (RENT)?

T. Katoa ‘a kinautolu he Nofo’anga Tonu ‘e kamata e totongi leni
ki he FEMA ‘i Ma’asi 1, 2025.

F. KO FĒ ‘A E TAIMI ‘E TALA AI KIATE KINAUTOLU HE POLOKALAMA ‘O
KAU KI HE NGAAHI FIEMA’U KE KAMATA TOTONGI LENI?

T. ‘E tuku atu ha ‘aho 30-60-mo e 90 ke ma’u ai ha tala ki he
ngaahi fiema’u leni pea ‘e kamata ia ‘i Ma’asi 1, 2025, pea mo
e founga ke fai ai ha fakatangi ki he lahi ‘o e totongi leni.

F. FĒFĒ KAPAU ‘E ‘IKAI TEU LAVA ‘O TOTONGI E LENI?

A. ‘Oku kau he tohi ha fakamatala ki he founga fakatangi mo ha kole
ke holoki e lahi ‘o e leni.

T. KO E HĀ ‘A E FOUNGA KI HONO FAKAFUOFUA’I ‘O E LENI?

T. ‘Oku makatu’unga ‘a e totongi leni mei he U.S. Department of
Housing and Urban Development (HUD) 2025 Fair Market Rent ‘i Maui
fakataha mo e hā ‘e malavalava he kau nofo ‘o totongi.

HUD Portal: FY 2025 Final Fair Market Rents Documentation System —
Select Geography
[https://www.huduser.gov/portal/datasets/fmr/fmrs/FY2025_code/select_Geography.odn]

F. Ko fē taimi ‘e ma’u ai mo’ua, mo e fakamatala ‘oku kau ki
he tohi mo’ua?

T. ‘Oku ‘oatu ‘a e tohi mo’ua ‘i Ma’asi 1 kiate kinautolu
kotoa ‘oku nofo he ‘api mo e fakaikiiki ‘o e lahi ke totongi,
founga totongi, mo e ‘aho ke totongi ai.

Q&A: FOUNGA FAKATANGI TOTONGI LENI

F. KAPAU ‘OKU ‘I AI HA FEHU’I MEI KAU NOFO ‘O KAU KI HE
FIEMA’U E LENI MO E FOUNGA FAKATANGI, KO HAI TE NAU TALANOA KI AI?

T. ‘Oku fakaloto’i he Nofo’anga Tonu ‘a e kau nofo ke nau
talanoa ki he kau ‘etivaisa setifikeiti ‘o kau ki ha fehu’i ‘o
e founga fakatangi mo e ‘u tohi ‘e fiema’u ke fakakaukau’i mei
ai ‘a e holoki e leni.

F. KO E HĀ E FUOLOA HONO FAKAHŪ HE KAU NOFO ‘A E TOHI KOLE
FAKATANGI KE HOLOKI E LENI?

T. Kuo tuku atu ha ‘aho 60 ki he kau nofo ke nau fai ha fakatangi ke
holoki e leni mei he ‘aho na’e ma’u ai ‘a e tohi fakatonga
‘aho-30 ki he fiema’u leni. ‘Oku na’ina’i atu e FEMA ki he
kau nofo ke nau fakahu mai ‘enau fakatangi he vave taha ka e lava
‘o fai ha ngaue ki he ‘enau kole kimu’a he taimi kamata Maasi 1.
Ko e tomui hono fakahu mai e tohi fakatangi ‘e lava ke toe toloi e
founga tali ho leni.

F. KO E HA E FOUNGA KE FAKAHU ATU HE KAU NOFO ‘A E FAKATANGI KE
LILIU E MAMAFA TOTONGI LENI?

T. Ke fakahu mai ha fakatangi, kuo pau ke fakamatala’i tohi he kau
nofo ‘a e ‘uhinga ‘oku ‘ikai lava ai ke nau totongi ‘a e
leni pea ‘omai mo ha ‘u tohi ke taukave’i ‘enau keisi.

‘I he tohi fakatangi, ke hanga he kau nofo ‘o fakaikiiki ‘enau
fakamole, ‘o kau ai e mokesi, tax ‘o e ‘api, ‘inisiua ‘ouna
‘api/leni, totongi ‘iutiliti hange ko e ‘uhila, vai, kasa mo e
lolo.

Fakatata’aki ha ‘u tohi ‘oku fe’unga hono tali: 

	* Foomu W-2 fetulolo (pe tohi vahe ngaue’anga) katoa kau nofo he
‘api ‘oku ta’u 18 pe lahi ai.
	* Lekooti ‘o ha aleapau ‘o e totongi mokesi pe leni.
	* Ha tatau ‘o e mo’ua tax ki he ‘api pe ko ha sieke na’e
kaniseli.
	* Ha tatau ‘o e polosii totongi ‘inisiua pe ko ha sieke na’e
kaniseli.
	* Ha tatau ‘o e tohi mo’ua pe ko ha sieke na’e kaniseli ki he
totongi ‘iutiliti.

Kapau ‘e ‘ikai fakahu mai e ‘u tohi mahu’inga ko ‘eni, ‘e
‘ikai lava fakakaukau’i ke holoki e leni.

F. KO E HĀ ‘E HOKO KAPAU ‘E ‘IKAI FAKAFONU HE KAU NOFO ‘A E
TOHI FAKATANGI KIMU’A ‘I MA’ASI 1, 2025?

T. ‘I he keisi pehe ni, ko e kau nofo ‘oku nau tatali ki ha tali
faka’osi mei he totongi leni pea ‘e fiema’u ia ke nau totongi
kakato e mahu’inga ‘o e leni ka e ‘oua kuo ma’u ha tali. Ko e
taimi ‘e ma’u ai ha tali mei he FEMA ‘e toki totongi fakafoki
‘a e faikehekehe.

Ka ‘i ai ha fehu’i ki he Nofo’anga Tonu ke nau telefoni ki he
Telefoni Tokoni Nofo’anga Fakataautaha he 808-784-1600.