KALELEPAK OH SAPENG KAN: RONG KAPW PID SAWAS EN IHMW
[https://www.fema.gov/pon/press-release/20250125/faq-direct-housing-updates]


Release Date: 
January 24, 2025 

FEMA kin sewese aramas me iang mih karanih kisiniei en nansahpw nan
Maui me wiawi nan Oakohs 8, 2023 nan ah pirokiram en Sawas en Ihmw.
Met tohnpirokiram koaros me kak iang pirokiram en Sawas en Ihmw kin
mih nan ihmw en pirokiram kan. Tohnpirokiram pwukat kak mihmite nan
ihmw pwukat ma re kapwaiada anahn en pirokiram koaros oh re anahne kin
koasoaiheng arail tohndoadoahk en recertification kan.

KALELEPAK OH SAPENG KAN ONG TOHNPIROKIRAM EN SAWAS EN IHMW 

K. DAHME KAHREHDA TOHNPIROKIRAM ANAHNE KOUSOAN PIL EHU WASA? 

S. Mie katepe tohto dahme tohnpirokiram en Sawas en Ihmw pahn anahne
kousoan pile hu wasa, oh keieu iei sihr. FEMA songosong en sewese
tohnpirokiram kin mih ni wasa ma sihr, mwakelekel, oh mwahu. Met, FEMA
songosong en sewese tohnpirokiram kan pwurala West Maui, karanih wasa
me re kin mih ni mahso, pwe re sohte kin mih wasa tohto nan deke. Met
wehwehki wasa kan karanih Lahaina.

K. DAHME PAHN WIAWI MA TOHNPIROKIRAM ALE ANSOUMWAHU EN PWURALA WEST
MAUI AHPW KAHNG KOUSOAN MWO? 

S. FEMA kin koasoaiheng tohnpirokiram en pirokiram en FEMA en Sawas en
Ihmw me kaselehda me re mwahuki pwurala West Maui. Ma re kahng kousoan
mwo, re kak mihmihte wasa me re kin mih ansou wet. Ahpw, re sohte pahn
ale pil ehu ansoumwahu en kousoan West Maui mwurin arail kahng.

K. DAHME PAHN WIAWI MA KAUN EN IHMW SOHLAHR KIN IANG PIROKIRAM? 

S. Tohnpirokiram en pirokiram en FEMA en Sawas en Ihmw kak mihmite nan
imwarail lel Pepweri 10, 2026 ma re kin kapwaiada anahn oh kosonned en
pirokiram. Ma kaun en imwrarail sohte iang pirokiram mwurin ansouo, oh
re anahne kousoan pil ehu wasa, FEMA pahn seweseirail diar pil ehu
wasa, ma re kin kapwaiada kosonned en pirokiram de lel pirokiram en
Sawas en Ihmw nekila. 

K. IA MWOMWEN TOHNPIROKIRAM PAHN ESEHLA MA KAUN EN IMWARAIL SOHLAHR
IANG PIORKIRAM OH RE ANAHNE KOUSOAN PIL EHU WASA? 

S. FEMA pahn lelekin tohnpirokiram kan ma re anahne kousoan pil ehu
wasa. FEMA pil pahn kaselehda ihmw teikan me re kak pilada. 

K. TOHNPIROKIRAM KAN KAK LIKIH ME RE PAHN ALE SAWAS EN IHMW? 

S. Ehi, mehnda ma wekid wiawi, tohnpirokiram en Sawas en Ihmw kak
likih me re pahn ale sawas en ihmw ma re kapwaiada kosonned en
pirokiram lel ansou me re diar pil ehu wasa en kousoan ie de pirokiram
nekila. 

K. IAHD ME TOHNPIROKIRAM EN SAWAS EN IHMW ANAHNE TEPIDA PWAIN IHMW? 

S. Tohnpirokiram en Sawas en Ihmw koaros anahne pwaindahng FEMA
pweinen ihmwarail ehu ehu sounpwong tepkihda Mahs 1, 2025. 

K. IAHD ME TOHNPIROKIRAM PAHN ESEHLA DUWEN ANAHNE EN TEPIDA PWAIN
IHMW? 

S. Tohnpirokiram koaros alehdahr pakair rahn 90, 60, oh 30 mwohn arail
anahne pwain ihmw tpkihda Mahs 1, 2025. 

K. IA MWOMWEN PWEINEN RENT PILADA? 

S. Uwen pweinen rent wiakihdahsang keseu en U.S. Department of Housing
and Urban Development (HUD) 2025 Fair Market Rent on Maui, kapateng en
ehu ehu peneinei uwen arail kak pwain.  

K. MA MIE EN TOHNPIROKIRAM AH KALELEPAK PID ANAHN EN PWAIN IHMW OH IA
MWOMWEN AH KAK PEKI IANG REPENPWUNG SAPAHL, IHS ME E KAK KOASOAIHENG?

S. Tohnpirokiram en pirokiram en Sawas en Ihmw kan kak koasoaiheng
arail tohndoadoahk en recertification men ma mie arail kalelepak pid
mwomwen peki iang repenpwung sapahl oh soang en mehn kadehde dah re
pahn anahne ma re mwahuki pweitikitikla uwen pweinen ihmw.

Peneinei kan me iang pirokiram en Sawas en Ihmw pil kak kahlih
Individual Assistance Housing Hotline ni 808-784-1600.