ໃຫ້ໃຊ້ເງິນທີ່ໄດ້ຮັບຈາກ
FEMA
ເປັນຄ່າໃຊ້ຈ່າຍທີ່ກ່ຽວຂ້ອງກັບໄພພິບັດທີ່ກຳນົດໄວ້
[https://www.fema.gov/lo/press-release/20230503/spend-fema-funds-specified-disaster-related-expenses]


Release Date: 
ເດືອນພຶດສະພາ 3, 2023 

ຂະນະທີ່ເຈົ້າຂອງເຮືອນແລະຜູ້ເຊົ່າເຮືອນເລີ່ມໄດ້ຮັບເງິນຊ່ວຍເຫຼືອຜູ້ປະສົບໄພພິບັດຈາກ
FEMA ສຳລັບການຈ່າຍຄ່າເຊົ່າ,
ຄ່າສ້ອມແປງເຮືອນ ຫຼື
ເງິນຊ່ວຍເຫຼືອສຳລັບຄ່າອື່ນໆ,
ທ່ານຈຳເປັນທີ່ຕ້ອງເກັບບັນທຶກການຈ່າຍເງິນຂອງທ່ານ.
ໃຫ້ໃຊ້ເງິນຕາມເຫດຜົນທີ່ລະບຸໄວ້ໃນໜັງສືທີ່
FEMA ສົ່ງໄປຫາທ່ານ.  

ຂໍ້ແນະນຳທີ່ເປັນປະໂຫຍດ

 	*
ຜູ້ສະໝັກທີ່ໄດ້ຮັບອະນຸມັດໃນເຄົາຕີ້ CANNON,
HARDEMAN, HARDIN, HAYWOOD, LEWIS, MACON, MCNAIRY, RUTHERFORD, TIPTON
ແລະ WAYNE ຈະໄດ້ຮັບໜັງສືຈາກ FEMA
ເຊຶ່ງຈະໃຫ້ຂໍ້ມູນກ່ຽວກັບການຊ່ວຍເຫຼືອປະເພດຕ່າງໆທີ່ທ່ານມີສິດໄດ້ຮັບແລະຈຳນວນເງິນທີ່
FEMA
ຈະສະໜອງໃຫ້ກັບຄວາມຕ້ອງການຂອງຜູ້ທີ່ມີສິດໄດ້ຮັບຄວາມຊ່ວຍເຫຼືອ. 
 

	*
ການຊ່ວຍເຫຼືອປະເພດຕ່າງໆອາດລວມເຖິງ
ການສ້ອມແປງເຮືອນ (ເຊັ່ນ
ໂຄງສ້າງ, ບໍ່ນ້ຳ, ບໍ່ຊຶມ
(septic), ລະບົບນ້ຳເສຍ).
ເຈົ້າຂອງເຮືອນທີ່ໄດ້ຮັບອະນຸມັດສຳລັບການຊ່ວຍເຫຼືອເລື່ອງການສ້ອມແປງເຮືອນອາດໄດ້ຮັບເງິນບັນເທົາທຸກຕື່ມອີກສຳລັບຜູ້ເປັນເຈົ້າຂອງເຮືອນທີ່ອາໄສຢູ່ເຮືອນຕົນເອງເປັນຫຼັກເພື່ອເຮັດໃຫ້ເຮືອນແຂງແຮງຂຶ້ນ.
ເງິນບັນເທົາທຸກນີ້ຈະໃຫ້ນຳໄປໃຊ້ໃນການສ້ອມແປງຫຼັງຄາເພື່ອໃຫ້ຕ້ານທານລົມໄດ້ດີຂຶ້ນ
ແລະ
ຊ່ວຍປ້ອງກັນບໍ່ໃຫ້ນ້ຳຊຶມເຂົ້າມາ.
ສ່ວນການຊ່ວຍເຫຼືອປະເພດອື່ນໆກໍມີ:


 	*
ການຊ່ວຍຈ່າຍຄ່າເຊົ່າສຳລັບທີ່ຢູ່ບ່ອນໃໝ່ທີ່ອາໄສຊົ່ວຄາວ
 	* ການສ້ອມແປງ ຫຼື
ທົດແທນລົດທີ່ທ່ານໃຊ້ປະຈຳທີ່ເສຍຫາຍ
 	*
ຄ່າໃຊ້ຈ່າຍດ້ານການແພດທີ່ບໍ່ມີປະກັນທີ່ທ່ານໄດ້ຈ່າຍເອງສຳລັບການບາດເຈັບທີ່ໄດ້ຮັບຈາກໄພພິບັດ
 	*
ການຈ່າຍເງິນຄືນໃຫ້ສຳລັບຄ່າເບິ່ງແຍງເດັກນ້ອຍທີ່ເພີ່ມຂຶ້ນ
 	* ການສ້ອມແປງ ຫຼື
ທົດແທນເຄື່ອງມືສຳລັບການປະກອບອາຊີບທີ່ຈຳເປັນ
ແລະ ອຸປະກອນໃນການສຶກສາ
(ເຊັ່ນ, ຄອມພີວເຕີ, ປຶ້ມຮຽນ,
ອຸປະກອນເສີມໃນການຮຽນ)
 	*
ຄ່າໃຊ້ຈ່າຍໃນການຍ້າຍບ່ອນຢູ່
ຫຼື
ການເຊົ່າບ່ອນເກັບເຄື່ອງທີ່ກ່ຽວຂ້ອງກັບໄພພິບັດ

 	* ທ່ານສາມາດໃຊ້ເງິນຈາກ FEMA
ສຳລັບສ້ອມແປງເຮືອນຂອງທ່ານເພື່ອໃຫ້ເຮືອນປອດໄພ,
ເຂົ້າຢູ່ໄດ້ ແລະ
ໃຊ້ການໄດ້.
ຈື່ໄວ້ວ່າທ່ານຈະຕ້ອງເກັບຫຼັກຖານວ່າທ່ານໄດ້ນຳເງິນຊ່ວຍເຫຼືອຜູ້ປະສົບໄພພິບັດນີ້ໄປໃຊ້ແນວໃດ
ແລະໃຫ້ເກັບມ້ຽນໃບເສັດຮັບເງິນທັງໝົດຢ່າງນ້ອຍເປັນເວລາສາມປີເພື່ອຢັ້ງຢືນວ່າທ່ານນຳເງິນນີ້ໄປໃຊ້ຫຍັງແດ່.
 	*
ເງິນທີ່ຊ່ວຍເຫຼືອຜູ້ປະສົບໄພພິບັດແບບໃຫ້ລ້ານີ້ບໍ່ແມ່ນເງິນທີ່ໃຫ້ເອົາໄປໃຊ້ເປັນຄ່າໃຊ້ຈ່າຍປະຈຳວັນ
ເຊັ່ນ ຄ່ານ້ຳຄ່າໄຟ. ອາຫານ.
ຢາ ຫຼື
ຄ່າໃຊ້ຈ່າຍທີ່ບໍ່ກ່ຽວຂ້ອງກັບໄພພິບັດໂດຍກົງ.
 	*
ເງິນຊ່ວຍເຫຼືອຜູ້ປະສົບໄພພິບັດຂອງລັດຖະບານເປັນເງິນທີ່ບໍ່ຕ້ອງເສຍພາສີ.

ວິທີສະໝັກຂໍການຊ່ວຍເຫຼືອດ້ານໄພພິບັດຈາກ
FEMA

 	*
ວັນສຸດທ້າຍໃນການສະໝັກຂໍເງິນຊ່ວຍເຫຼືອຈາກ
FEMA ແມ່ນວັນ ວັນອັງຄານທີ 6
ມິຖຸນາ.
ນີ່ແມ່ນວິທີການສະໝັກ:

 	* ໄປທີ່ DisasterAssistance.gov
[https://urldefense.us/v3/__http:/www.DisasterAssistance.gov__;!!BClRuOV5cvtbuNI!V9qeEBYrSNZdnN1w1BSQaAnDtEznFBy6nbCyjLlwEVgoobGfHobimOjzCseDAmd-rAAVxALAdw$]
 	* ໃຊ້ FEMA mobile app
[https://www.fema.gov/about/news-multimedia/mobile-app-text-messages]
 	*
ໂທຫາສາຍບໍລິການຊ່ວຍເຫຼືອດ້ານໄພພິບັດ
(DISASTER ASSISTANCE HELPLINE) ທີ່ເບີ 800-621-3362.
ຖ້າທ່ານໃຊ້ບໍລິການຣີເລ
ເຊັ່ນ Video Relay Service (VRS),
ບໍລິການໂທລະສັບທີ່ມີໂຕໜັງສືສຳລັບຄົນພິການທາງຫູ
ຫຼື ບໍລິການອື່ນໆ,
ໃຫ້ທ່ານແຈ້ງໝາຍເລກຂອງທ່ານກັບ
 FEMA ຕອນທີ່ທ່ານສະໝັກ.
ຜູ້ຮັບໂທລະສັບສາຍດ່ວນເວົ້າໄດ້ຫຼາຍພາສາ
ແລະ
ສາຍດ່ວນນີ້ເປີດບໍລິການຈາກ
6 ໂມງເຊົ້າ ຫາ ທ່ຽງຄືນ
ຕາມເວລາຂອງ CENTRAL DAYLIGHT ທຸກວັນ.
ໃຫ້ກົດ 2 ສຳລັບພາສາສະເປນ.
ກົດ 3
ສຳລັບນາຍພາສາທີ່ເວົ້າພາສາຂອງທ່ານ.
 	*
ສຳລັບວິດີໂອກ່ຽວກັບວິທີການສະໝັກສຳລັບຜູ້ໃຊ້ພາສາມື,
ໄປທີ່
https://www.youtube.com/watch?v=LU7wzRjByhI&list=PL720Kw_OojlKOhtKG7HM_0n_kEawus6FC&index=6
 	*
ທ່ານສາມາດໄປທີ່ສູນຟື້ນຟູໄພພິບັດເພື່ອຂໍຄວາມຊ່ວຍເຫຼືອໃນການສະໝັກ.
ທ່ານສາມາດຊອກຫາສູນຕ່າງໆໄດ້ບ່ອນນີ້:
https://egateway.fema.gov/ESF6/DRCLocator

ສຳລັບຂໍ້ມູນຫຼ້າສຸດກ່ຽວກັບການຟື້ນຟູລັດເທນເນສຊີຈາກພາຍຸທີ່ຮຸນແຮງ,
ລົມທີ່ພັດເປັນເສັ້ນກົງ
ແລະພາຍຸທໍນາໂດ,
ທ່ານສາມາດເບິ່ງຂໍ້ມູນໄດ້ທີ່
FEMA.gov/Disaster/4701 [https://www.fema.gov/disaster/4701].
ທ່ານຍັງສາມາດຕິດຕາມໄດ້ທີ່
TN.gov/TEMA [https://www.tn.gov/tema.html]; Twitter.com/TEMA
[https://twitter.com/t_e_m_a], Facebook.com/TNDisasterInfo
[https://www.facebook.com/TNDisasterInfo/posts/pfbid02zyvrrWRmZNYKiURMVgcYpynEgCEWq81oyPd8FfkBwNDd8JenqGiuCjyDfMW2d3mBl],
@FEMARegion4/Twitter [https://twitter.com/femaregion4] ແລະ
Facebook.com/FEMA [https://www.facebook.com/FEMA/].