KAPAS AIS ARAMAS RA SOUN AIS (FAQ): PORAUS ESILESIL MI FÖ FANITEN AN ARAMAS MI FITI DIRECT HOUSING REPWE MONATIW AR RENT [https://www.fema.gov/chk/fact-sheet/faq-direct-housing-rental-payment-update] Release Date: Apr 11, 2025 Release Number: FS-054 Ika pwe en ka emon chon manaw seni ewe ekkei a fis lon Maui lon 2023, o en ka pwal chóóni an FEMA we Programen Direct Housing, minne mi makketiw fan lon ei taropwe epwe tongeni alisuk lupwen kopwe poputa le pungutiw liwinin om rent. Mi auchea pwe meinisin chon chóóni Direct Housing repwe fokkun monatiw rent. Ika pwe emon esap pungutiw liwinin an rent lon fansoun fich iwe, mi tufich pwe esap chuen tufichin fich ngeni an epwe pungutiw ewe liwin mi kisikis, a pwal tufich pwe epwe katou seni an FEMA we program mi alisi aramas ren imwer lon fansoun mwochomwoch chok [temporary housing], eli kopwe pwal katou seni ewe imw ka nonnom lon iei. KAPAS AIS ME POLUWEN KAPAS AIS: IFA SOKKUN AN EMON EPWE MONATIW AN RENT ME KAPASEN AWEWE KAPAS AIS. Inet fansoun ekkewe chon fiti ewe Programen DIRECT HOUSING REPWE POPUTA LE MONATIW RENT?  Poluwen Kapas Ais. Poputa seni MARCH 1, 2025, meinisin famili mi fiti ewe programen Direct Housing ra osun ar repwe poputa le monatiw rent ngeni FEMA iteiten maram. KAPAS AIS. IFA USUN EKKEWE CHON FITI EWE PROGRAM REPWE ETIWA TAROPWEN AR RENT IKA RENT STATEMENT?  Poluwen Kapas Ais. Ekkewe famili repwe etiwa taropwen ar rent ika rent statement pun epwe tin ngeni ar address, o ewe chon apply epwe tongeni angei an billing statements [taropwen billing] ika epwe feilo ngeni an FEMA account won computer [ika online] o epwe katol fan ewe itelap “current communications.” Ika ewe chon apply esap wor an account won computer, iwe, a tongeni feilo ngeni eu me lein ekkewe ruu leeni mi sapouw orun ewe Offesin Recovery Lahaina Gateway Center are Kakoo Maui lon ewe Maui Mall nge emon chon angangen FEMA epwe tongeni alisir.  KAPAS AIS. IFA USUN EMON CHON FITI EWE PROGRAM EPWE MÖNI AN RENT?  * Phone/Dengwa:         * Kokkori 866-804-2469 SARINFAN TORI ENIMU SENI KULOK 9 A.M. TORI 4 P.M. EST (EST (KULOKUN MERIKA ME PELIEOTIW) A MWITIR SENI KULOKUN LON HAWAI’I LON UKUKUN WONU (6) AWA.) * Ifa usun kopwe tongeni moni om rent won phone/dengwa: * Ren Om Bank account (ACH) * Ren Eu Debit ika credit card * Check are Money Order mi mak ngeni FEMA:         * U.S. Mail (Posto) Address kopwe tinalo ngeni: FEMA, PO Box 6200-16, Portland, OR 97228-6200 _IKA _ * Tinalo Ngeniir pwe epwe mwitir toriir lon ewe ran mwirin ika Overnight Delivery/Courier Payments, tinalo ngeni:  U.S. BANK-Government Lockbox, ATTN: DHS-FEMA-6200-16, 17650 NE Sandy Blvd, Portland, OR 97230 * Eliwinsefalielo Checks seni ewe U.S. Department of the Treasury lon U.S. Mail (posto): * U.S. Department of the Treasury, ATTN: Treasury Check Return,  PO Box 51318, Philadelphia, PA  19115 * Electronic Payment (möni won computer ika online): * Online ren WWW.PAY.GOV [https://www.pay.gov/public/home] * Ifa usun kopwe tongeni moni om rent won computer ika online: * Seni om Bank account (ACH) * Ren om PayPal account * Ren om Venmo account * Ren om Debit ika credit card KAPAS AIS.  IFA USUN AN EKKEWE CHON FITI EWE PROGRAM REPWE TONGENI MONI AR RENT WON COMPUTER IKA ONLINE? * Won computer, kopwe tota won ewe websait itan www.pay.gov [https://www.pay.gov/public/home] * Taipini “FEMA” lon ewe leenien kutta mettoch ika search box _(liosun eu pwor mi pwech a nom asan ewe page me peliefich)_ * Lupwen epwe pwa ekkewe itelap mwirin om kutta ika Search Results, kopwe kutta ekkewe kapas FEMA Finance Center – Payment Form * Tiki [Continue pwe kopwe sopwelo] * Tiki [Continue to the Form pwe kopwe sopwelo le feilo ngeni ewe form] * Amasouwa ewe Agency Form_ _ * Taropwen Esilesil me Liwinimang ika Notice and Debt Letter (NDL) # nampa a nom won noum taropwe fatiwen ewe address. Ei nampa epwe ekkesiwil iteiten maram. * Tiki [Continue pwe kopwe sopwelo] * Amasouwa ewe Payment Form * Ka tongeni makkei om email address pwe kopwe tongeni etiwa eu email mi makketiw lon pwe en ka moni om rent * Tiki [Continue pwe kopwe sopwelo] * Ewe angang a pwonuöchuta KAPAS AIS. IFA USUN, EKKEWE CHON FITI EWE PROGRAM RA TONGENI FORI PWE EWE RENT EPWE PWISIN ANGANGELO SENI AR ACCOUNT ITEITEN MARAM IKA AUTO-PAY? Poluwen Kapas Ais.  Lon ei fansoun iei esap tufich pwe emon epwe aani auto-pay pwe epwe moni an rent iteiten maram. KAPAS AIS. UPWE TONGENI MONI AI RENT REN CHÖN MOONI IKA CASH? Poluwen Kapas Ais.  Apw, esap tufich pwe emon epwe moni an rent ren chön mooni.  KAPAS AIS: IFA USUN, NGANG UPWE TONGENI MONI AN PWAL EU FAMILI RENT?  Poluwen Kapas Ais. Ewer, nge kopwe möni ar rent lon pwal eu transaction mi imwulo, pun iteiten famili/imw mi wor pwisin ar account nampa.  Ika kopwe tinalo mon om rent lon echo check, kose mochen pwal uwalong ewe aulungatin peekin taropwe seni ewe Notice me Debt taropwe lon ewe futo ika envelope, o makkei ewe NDL# nampa won ewe memo lain won ewe check. KAPAS AIS. INET UPWE FOKKUN PUNGUTIW AI RENT? Poluwen Kapas Ais.  Aramas repwe fokkun monatiw ar rent me mwen an epwe lulo 30 ran seni ewe aeuwin ranin ewe maram, iteiten maram.  KAPAS AIS.  MET EPWE FIS IKA EMON CHON FITI EWE PROGRAM EPWE MONATIW AN RENT MWIRIN AN A FEN LULO 30 RAN? Poluwen Kapas Ais. Ika emon epwe monatiw an rent nge a fen lu seni ewe aeuwin ranin ewe maram mwirin, iwe, wewen pwe a mang le moni an rent o epwe pungutiw ewe paking faniten chon mang le monatiw ar rent.  Ewe paking epwe lolo ngeni ewe FMR faniten ewe leeni ir ra nonnom lon, epwe pwal monatiw liwinin ekkewe ekkoch sokkun paking mi wor faniten ekkewe ekkoch liwinin ewe leeni lon ukukun eu maram awewe chok ren liwinin Property Management Company, liwinin Performance Maintenance Inspection, liwinin masouwen ewe imw me utilities.  Ika chon lon ewe imw resap monatiw meinisin liwinin ewe HUD Fair Market Rent fiti meinisin ekkewe ekkoch liwinimang ika paking, repwe katou seni ewe leeni pwal seni an FEMA we Programen Direct Housing.  KAPAS AIS.  NGE MET IKA NGANG UA MOCHEN TOU SENI IMWEI IMWEN FEMA TEMPORARY HOUSING?  Poluwen Kapas Ais. Ika pwe en ka fen kuna eu imw kopwe tongeni nonnom lon, are ika en ka mochen tou seni imwom me ren FEMA faniten pwal eu popun, kopwe ureni noum we recertification advisor. Ika pwe en kopwe tou seni ewe imw me mwen epwe tori lesopwolon ewe maram, iwe, en kosap osupwangen om kopwe monatiw rent faniten ewe maram mi epwe feito. FEMA esap fori pwe aramas repwe monatiw liwinin ar rent faniten eu me eu ekkewe ran ir ra nonnom lon ewe imw, (prorate), pun ra chok angei ewe rent faniten unusen ewe maram. Ika kopwe mwokut seni leeniom me ren FEMA ese lifilifil inet lon ewe maram, kopwe chuen pungutiw rent faniten unusen ewe maram.  KAPAS AIS. ION UPWE KAPAS NGENI IKA PWE A WOR AI KAPAS AIS FANITEN SOKOSOKUN AI UPWE MONATIW AI RENT? POLUWEN KAPASA AIS.  KOKKORI FEMA Finance ren ei nampa 866-804-2469, Sarinfan tori Enimu seni kulok 9 A.M. TORI 4 P.M. EST [EST (KULOKUN MERIKA ME PELIEOTIW) A MWITIR SENI KULOKUN LON HAWAI’I LON UKUKUN WONU (6) AWA) ARE TINALO EU EMAIL NGENI FEMA-Finance-AccountsReceivable-Deposits@FEMA.dhs.gov. Ika pwe en ka aea video are pwal óch sokkun minen alilis won phone, kose mochen ngeni FEMA ewe nampa faniten om we pisekin alilis.